తప్పిన ప్రమాదం... మరో విమానంలో ప్రయాణికుల తరలింపు

16:04 May 26

విమానంలో సాంకేతిక లోపం... మరో విమానంలో ప్రయాణికుల తరలింపు

జైపూర్ నుంచి బెంగళూరు వెళుతున్న ఎయిర్​ ఏషియా విమానం శంషాబాద్ ఎయిర్‌పోర్టులో అత్యవసరంగా దిగింది. ఎయిర్ బస్ 1543 విమానం 76 మంది ప్రయాణికులతో జైపూర్ నుంచి బెంగళూరు వెళుతుండగా.. ఇంజిన్​లో సాంకేతిక లోపం తలెత్తింది. గుర్తించిన పైలట్​ వెంటనే విమానాన్ని శంషాబాద్ విమానాశ్రయంలో సురక్షితంగా ల్యాండ్​ చేశారు. 

అనంతరం చండీగఢ్​ నుంచి బెంగళూరుకు వెళుతున్న మరో ఎయిర్​ ఏషియా విమానాన్ని శంషాబాద్​కు దారి మళ్లించి ప్రయాణికులను బెంగళూరుకు తరలించారు. ఘటనపై పౌర విమానయాన అధికారులు ఆరా తీశారు.