'పాఠశాలల్లో హాజరు శాతం పెరిగితే ఉత్తమ ఫలితాలు వస్తాయి'

ప్రభుత్వ పాఠశాలల్లో హాజరు శాతాన్ని పెంచినప్పుడే... ఆశించిన ఫలితాలు వస్తాయని విద్యా శాఖ కార్యదర్శి జనార్దన్ రెడ్డి అన్నారు. అబిడ్స్​లోని మహబూబియా బాలికల పాఠశాలలో విద్యార్థులకు నిఘంటువుల పంపిణీ కార్యక్రమంలో ఆయన పాల్గొన్నారు.

ప్రభుత్వ పాఠశాలల్లో హాజరు శాతం పెంచినట్లయితే... ప్రైవేటు పాఠశాలలకు దీటుగా ఫలితాలు సాధించొచ్చని విద్యాశాఖ కార్యదర్శి జనార్దన్​ రెడ్డి అన్నారు. పేదరికం వల్ల చాలా మంది విద్యార్థుల వద్ద నిఘంటువులు లేవని... నిఘంటువు వల్ల ఆంగ్లభాషలో ప్రావీణ్యం పెంచుకునేందుకు దోహదం చేస్తుందని ఆయన పేర్కొన్నారు. హైదరాబాద్​ నగరంలోని ప్రభుత్వ పాఠశాల్లో ఆరో తరగతి నుంచి పదో తరగతి చదువుతున్న 48 వేల మంది విద్యార్థులకు నిఘంటువులు అందిస్తున్నట్లు ఆయన తెలిపారు.

అబిడ్స్​లోని మహబూబియా బాలికల పాఠశాల విద్యార్థులకు జిల్లా విద్యా అధికారిణి వెంకట నరసమ్మతో కలిసి నిఘంటువులు పంపిణీ చేశారు. ఈ సందర్భంగా విద్యా శాఖ నుంచి బదిలీ అవుతున్న జనార్దన్​రెడ్డిని.. హైదరాబాద్ డీఈవోతో పాటు పలువురు అధికారులు సన్మానించారు.