వాహనాలకు ఇక 'ఎకోవాష్'​... నీరు ఆదా, ధర తక్కువ...

నీటి సమస్యను దృష్టిలో పెట్టుకుని మహీంద్ర ఆటోమోటివ్​ సర్వీసింగ్​ సెంటర్లలో ప్రయోగాత్మకంగా ఎకోవాష్​ పద్ధతికి శ్రీకారం చుట్టారు. సుమారు ఒక్క లీటరు నీటితోనే వాహనాలను వాష్​ చేయటమే కాకుండా... తక్కువ ధరనే వసూలు చేయటం గమనార్హం.

ప్రస్తుతం ఎదుర్కొంటున్న నీటి సమస్యను దృష్టిలో ఉంచుకొని మహీంద్ర ఆటోమోటివ్​ సర్వీసింగ్ సెంటర్లలో ఎకో వాష్ పద్ధతిని ప్రారంభించారు. హైదరాబాద్​ మెహదీపట్నం పిల్లర్ నంబర్ 86 వద్ద డిప్యూటీ మేయర్ బాబా ఫసియోద్దీన్ చేతుల మీదుగా ఈ ప్రయోగాత్మక కెమికల్ వాషింగ్​ను ప్రారంభించారు.

మహీంద్ర సంస్థ యాజమాన్యం ఏకో వాష్ మొదలుపెట్టటం హర్షించదగ్గ విషయమని డిప్యూటీ మేయన్​ బాబా ఫసియోద్దీన్​ తెలిపారు. ఈ పద్ధతి వల్ల సుమారు 50 నుంచి 70 లీటర్ల నీటిని పొదుపు చేసుకోవచ్చని నిర్వాహకులు తెలిపారు. సాధారణ వాటర్ వాష్​కు తీసుకునే డబ్బులే కెమికల్ వాష్​కూ తీసుకుంటామని నిర్వాహకులు పేర్కొన్నారు.

ఇదీ చదవండి:నా వల్లే చనిపోయాడు.. నేనూ ఉండలేను!