మలక్​పేట... తాగే నీటిలో డ్రైనేజీ నీరు

మంచినీరు... తాగితే బతుకు బేజారు అన్నట్లుంది మలక్​పేటలోని ఏపీఐ కాలనీ వాసులు పరిస్థితి. ఆరు నెలలుగా డ్రైనేజీ నీరు కలిసి సరఫరా అవుతున్నా అధికారులు పట్టించుకోవడం లేదు. విసిగిపోయిన కాలనీ వారు వాటర్​ బోర్డు కార్యాలయం ఎదుట ఆందోళనకు దిగారు.

హైదరాబాద్​ మలక్​పేటలోని ఏపీఐ కాలనీలో తాగునీటిలో డ్రైనేజీ నీరు కలిసి సరఫరా అవుతోంది. దీనిపై కాలనీ వాసులు కలుషిత నీటిని బాటిల్​లో నింపి వాటర్​ బోర్డు కార్యాలయం ముందు నిరసన తెలిపారు. తాగునీటికి తీవ్ర ఇబ్బందులు పడుతున్నామని వారు ఆవేదన వ్యక్తం చేశారు.

అనారోగ్య సమస్యలు

కలుషిత నీటి వల్ల అనారోగ్య సమస్యలు తలెత్తుతున్నాయని కాలనీ వాసులు వాపోయారు. తాగు నీటి సమస్యపై ఆరు నెలలుగా అధికారులకు ఫిర్యాదు చేసినా... పట్టించుకోవడం లేదని ఆరోపించారు. ఇప్పటికైనా అధికారులు స్పందించి కాలనీలో నీటి సమస్యను పరిష్కరించాలని కోరారు.

ఇదీ చూడండి : భక్తగిరిగా మారిన యాదాద్రి