రోడ్డుపై పడుకున్న మందుబాబు... ట్రాఫిక్​కు అంతరాయం

పూటుగా మద్యం సేవించాడు. పడుకోవడానికి స్థలం దొరకలేదు కాబోలు.. నిత్యం వాహనాలతో రద్దీగా ఉండే ఎస్​ఆర్ నగర్ ప్రధాన రహదారిపై పడుకున్నాడు. అంతే మందుబాబు కారణంగా ఎస్​ఆర్ నగర్ నుంచి అమీర్​పేట వరకు ట్రాఫిక్ జామ్ ఏర్పడింది.

హైదరాబాద్ ఎస్​ఆర్ నగర్ ప్రధాన రహదారిపై మద్యం మత్తులో ఉన్న వ్యక్తి కారణంగా రాకపోకలకు తీవ్ర అంతరాయం ఏర్పడింది. మత్తులో ఉన్న వ్యక్తి రహదారిపై అడ్డంగా పడుకోవడం వల్ల ఎక్కడి వాహనాలు అక్కడే నిలిచిపోయాయి.

ఎస్​ఆర్ నగర్ ప్రధాన రహదారి నుంచి అమీర్‌పేట షాపింగ్ మాల్‌ వరకు ఎక్కడి వాహనాలు అక్కడే నిలిచిపోయి కదలలేని పరిస్థితి నెలకొంది. సమాచారం అందుకున్న ట్రాఫిక్ పోలీసులు ఘటనా స్థలానికి చేరుకుని తాగుబోతు వ్యక్తిని అక్కడి నుంచి తరలించి ట్రాఫిక్​ను చక్కదిద్దారు. మద్యం మత్తులో ఉన్న వ్యక్తి నో పార్కింగ్ బోర్డును తన బ్యాగులో పెట్టుకోవడం విశేషం.

ఇదీ చూడండి:సాగు చట్టాల విషయంలో సీఎం యూటర్న్: బండి సంజయ్