పిచ్చి కుక్కల వీరంగం.. నలుగురు చిన్నారులకు గాయాలు

నగరంలో చిన్నారులపై కుక్కల దాడులు పెరిగిపోతున్నాయి. హైదరాబాద్​ టపాచబుత్ర పీఎస్​ పరిధిలోని యూసుఫ్​నగర్​లో పిచ్చికుక్కలు నలుగురు చిన్నారులపై దాడులకు తెగబడ్డాయి. చిన్నారులకు తీవ్రగాయాలయ్యాయి.

హైదరాబాద్​ నగరంలో గత రెండు మూడు రోజులుగా కుక్కల దాడులు పెరిగాయి. ఆదివారం లంగర్ హౌస్ ప్రశాంత్ నగర్ కాలనీలో కూడా ఓ పిచ్చి కుక్క నలుగురు చిన్నారులపై తీవ్రంగా దాడికి పాల్పడింది.

ఈరోజు టపాచబుత్ర పోలీస్ స్టేషన్ పరిధిలోని యూసుఫ్ నగర్​లో పిచ్చి కుక్కలు వీరంగం సృష్టించాయి. నలుగురు చిన్నారులపై దాడికి తెగబడ్డాయి. చిన్నారులను వారి తల్లిదండ్రులు ఆసుపత్రికి తరలించారు. ఇది ముమ్మాటికీ జీహెచ్ఎంసీ అధికారుల నిర్లక్ష్యమేనని తల్లిదండ్రులు ఆగ్రహం వ్యక్తం చేశారు.

ఇవీ చూడండి: నలుగురు చిన్నారులపై పిచ్చికుక్క దాడి... తీవ్రగాయాలు