వసతిగృహాల్లో ఉన్నవారిని బయటకు పంపవద్దు: మంత్రి కేటీఆర్​

ప్రైవేట్​ వసతిగృహాల్లోని విద్యార్థులు, వర్కింగ్​ పర్సన్స్​ను బయటకు పంపవద్దని పురపాలక, పట్టణాభివృద్ధి శాఖ మంత్రి కేటీఆర్ స్పష్టం చేశారు. హాస్టళ్లలో ఉన్నవారిని వెళ్లిపోవాలంటూ యాజమాన్యాలు ఒత్తిడి చేస్తున్న తరుణంలో మంత్రి స్పందించారు.

తెలంగాణలో ప్రస్తుతం ఉన్న పరిస్థితుల దృష్ట్యా ఏ ఒక్కరినీ ఆందోళనకు గురి చేయరాదని పురపాలక, పట్టణాభివృద్ధి శాఖ మంత్రి కేటీఆర్ తెలిపారు. ప్రైవేట్ హాస్టళ్ల నుంచి విద్యార్థులు, ఇతర వర్కింగ్ పర్సన్స్​ను యాజమాన్యాలు ఎట్టి పరిస్థితుల్లో బయటకు పంపవద్దని మంత్రి సూచించారు.

వసతిగృహ నిర్వాహకులకు ప్రభుత్వం అన్నివిధాల అండగా నిలుస్తుందని హామీ ఇచ్చారు. దీనికి సంబంధించిన చర్యలు తీసుకోవాలని జీహెచ్ఎంసీ కమిషనర్ లోకేశ్​కుమార్, హైదరాబాద్, సైబరాబాద్ పోలీస్ కమిషనర్లకు ఆదేశాలు జారీ చేశారు.

ఇదీ చూడండి :సాయం చేయండి అంటూ కేటీఆర్​కు ట్వీట్లు