చైతన్య సమితి ఆధ్వర్యంలో ఆహారం పంపిణీ

అంబర్​పేట నియోజకవర్గంలోని సుమారు 200 మంది నిరుపేదలు, వలస కూలీలకు బెస్త గూండ్ల చైతన్య సమితి ఆధ్వర్యంలో పులిహోర ప్యాకెట్లను అందజేశారు.

లాక్​డౌన్​ కొనసాగుతున్న నేపథ్యంలో నగరంలో ఎంతోమంది నిరుపేదలు ఉపాధి కోల్పోయి సాయం చేసే చేతుల వైపు ఆశగా ఎదురు చూస్తున్నారు. ఇలాంటి తరుణంలో కొంతమంది తమకు చేతనైన సహాయం చేస్తూ.. వారికి అండగా నిలుస్తున్నారు. ఈ క్రమంలో అంబర్​పేట బెస్త గూండ్ల చైతన్య సమితి ఆధ్వర్యంలో అంబర్​పేట నియోజకవర్గంలోని చే నెంబర్, ఆలీ కేఫ్​, గోల్నాక, తిలక్ నగర్, విద్యా నగర్, ముషీరాబాద్​లోని వీఎస్టీ, ఆర్​టీసీ క్రాస్ రోడ్, తదితర ప్రాంతాల్లోని సుమారు 200 మంది నిరుపేదలు, వలస కూలీలకు పులిహోర ప్యాకెట్లను అందజేశారు.

లాక్​డౌన్ నేపథ్యంలో ప్రజలంతా ఇళ్లలోనే ఉండాలని చైతన్య సమితి అధ్యక్షుడు సత్య నారాయణ బెస్త పేర్కొన్నారు. వ్యక్తుల మధ్య భౌతిక దూరం పాటించాలని సూచించారు. కార్యక్రమంలో చైతన్య సమితి సభ్యులు పాల్గొన్నారు.

ఇదీ చూడండి:లాక్​డౌన్ పొడిగింపుపై రేపు మోదీ ప్రకటన!