ఎల్బీనగర్ ఠాణాను తనిఖీ చేసిన డీజీపీ మహేందర్రెడ్డి
డీజీపీ మహేందర్రెడ్డి గత రెండు రోజులుగా పోలీస్ స్టేషన్లను తనిఖీ చేస్తున్నారు. నిన్న సైబరాబాద్ కమిషనరేట్ పరిధిలోని చందానగర్ పోలీస్స్టేషన్ను తనిఖీ చేసిన డీజీపీ.. ఇవాళ రాచకొండ పరిధిలోని ఎల్బీనగర్ ఠాణాను సందర్శించారు. ఫిర్యాదుదారులకు ఎలాంటి సహకారం అందిస్తున్నారు... కేసుల విచారణలో చేపడుతున్న చర్యలపై ఆరా తీశారు. పలు రికార్డులను పరిశీలించారు. పోలీస్ సిబ్బంది పనితీరు మెరుగుపరుచుకునేందుకు తీసుకోవాల్సిన చర్యలపై దిశానిర్దేశం చేశారు. ఎల్బీనగర్ ఠాణా పరిధిలో ఏర్పాటుచేసిన సీసీ కెమెరాల పనితీరును పరిశీలించారు. ప్రజలకు మరింత చేరువకావాలని సూచించారు. డీజీపీ వెంట రాచకొండ కమిషనర్ మహేశ్ భగవత్తో పాటు పలువురు ఉన్నతాధికారులు ఉన్నారు.