నిత్యావసర సరుకులు అందజేసిన డిప్యూటీ మేయర్

నిజాంపేట్ మున్సిపల్ కార్పొరేషన్ పరిధిలోని ప్రగతినగర్​లో లాక్​డౌన్ కారణంగా ఇబ్బంది పడుతున్న 250 మంది నిరుపేదలకు స్మైల్ ఫౌండేషన్ ఆధ్వర్యంలో డిప్యూటీ మేయర్ ధన్ రాజ్ యాదవ్ నిత్యావసర సరుకులు అందజేశారు.

హైదరాబాద్​ నిజాంపేట్ మున్సిపల్ కార్పొరేషన్ ప్రగతి నగర్, ప్రశాంతి గోల్డెన్ హిల్స్​లో స్మైల్ ఫౌండేషన్ ఆధ్వర్యంలో 250 మంది కూలీలకు నిత్యావసర సరుకులను పంపిణీ చేశారు. మొత్తం నెల రోజులకు సరిపోయే 15 రకాల వస్తువులతో కూడిన కిట్​ను అందజేశారు.

ఈ కార్యక్రమానికి ముఖ్య అతిథిగా హాజరైన డిప్యూటీ మేయర్ ధన్​రాజ్ యాదవ్ పేదలకు నిత్యావసర సరుకులను అందజేశారు. ఎమ్మెల్సీ శంబీపూర్ రాజు, ఎమ్మెల్యే వివేకానంద పిలుపు మేరకే నిజాంపేట పరిధిలో నిత్యం భోజనంతో పాటు నిత్యావసర సరుకులను పంపిణీ చేస్తున్నట్లు వివరించారు.

ఇవీ చూడండి:హైదరాబాద్​లో ఒక్క రోజులోనే 20 కేసులు