ఎంసీఐ అర్హత పరీక్షలో దవావో విద్యార్థుల హవా

ఫిలిప్పీన్స్​ దవావో మెడికల్ కాలేజ్​లో ఎంబీబీఎస్ పూర్తిచేసిన తెలంగాణ విద్యార్థులు..ఎంసీఐ అర్హత పరీక్షలో తమ సత్తాచాటారు. టాప్​10లో ఏడుగురు ఉత్తీర్ణత సాధించారు. బేగంపేటలోని గ్రీన్‌పార్క్‌ హోటల్‌లో ఎస్‌జీ కన్సల్టెన్సీ ఆధ్వర్యంలో ఎంసీఐ పరీక్షా ఫలితాల సక్సెస్ మీట్​ నిర్వహించారు.

ఎంసీఐ అర్హత పరీక్షలో... ఫిలిప్పీన్స్​ దవావో మెడికల్ కాలేజ్​లో ఎంబీబీఎస్ పూర్తిచేసిన విద్యార్థులు సత్తా చాటారు. జులై 31, 2019న విడుదలైన ఎంసీఐ అర్హత పరీక్షను వివిధ దేశాల్లోని 259 కాలేజ్​లకు చెందిన 13,600 మంది విద్యార్థులు పరీక్ష రాయగా అందులో దవావో మెడికల్‌ కాలేజ్​ విద్యార్థులు 80 శాతం ఉత్తీర్ణత సాధించారు. హైదరాబాద్‌ బేగంపేటలోని గ్రీన్‌పార్క్‌ హోటల్‌లో ఎస్‌జీ కన్సల్టెన్సీ ఆధ్వర్యంలో ఎంసీఐ పరీక్షా ఫలితాల సక్సెస్ మీట్​ నిర్వహించారు. ఈ కార్యక్రమంలో ఎస్‌జీ కన్సల్టెన్సీ డైరెక్టర్‌ సతీష్ గరికపాటితో పాటు ఉత్తీర్ణులైన విద్యార్థులు పాల్గొన్నారు. విదేశాల్లో ఎంబీబీఎస్‌ చేసిన వారు ఎంసీఐ పరీక్షలు ఉత్తీర్ణత సాధించలేరు అనే అపోహను తమ కాలేజీ విద్యార్థులు తొలగించినట్లు సతీష్​ తెలిపారు. ఫలితాల్లో జాతీయ స్థాయిలో టాప్ 10లో ఏడుగురు దవావో మెడికల్ కాలేజీ విద్యార్థులు ఉన్నారని స్పష్టం చేశారు.

ఇవీ చూడండి: 'అభిమాన నటుడితో పనిచేయటం ఆనందంగా ఉంది'