సిలిండర్ల దొంగ దొరికాడు

హైదరాబాద్​లో తాళం వేసి ఉన్న ఇళ్లల్లో సిలిండర్లను దొంగలిస్తోన్న వ్యక్తిని మీర్ పేట పోలీసులు అరెస్ట్ చేశారు. ఈ మేరకు నిందితుడి నుంచి రూ.1.90 లక్షల రూపాయలు విలువచేసే 30 సిలిండర్లను స్వాధీనం చేసుకున్నారు.

హైదరాబాద్​లో సిలిండర్లు చోరీ చేస్తోన్న సభావత్ రవిని పోలీసులు అరెస్టు చేశారు. చోరీ చేసిన సిలిండర్లను తన ఆటోలో తరలిస్తుండగా... గాయత్రీ నగర్ చౌరస్తా వద్ద పోలీసులు పట్టుకున్నారు.

వాహనాలు తనిఖీ చేస్తుండగా అనుమానాస్పద సమాధానం చెప్పడం వల్ల నిందితుడిని ఠాణాకు తీసుకొచ్చి విచారించారు. ఈ మేరకు గుఱ్ఱంగూడలో సిలిండర్లు తానే చోరీ చేశానని ఒప్పుకున్నాడు. నిందితుడి వద్దనున్న 1.9 లక్షల రూపాయల విలువైన 30 సిలిండర్లు, ఒక ఆటోను స్వాధీనం చేసుకున్నారు. అనంతరం రిమాండ్​కు తరలించామని పోలీసులు వెల్లడించారు.

ఇవీ చూడండి : సిలిండర్​ పేలుడులో గాయపడిన వ్యక్తి మృతి