కేటుగాళ్లు మరణించిన వారినీ వదలట్లేదు.!

సైబర్​ నేరాలపై ఎంత అవగాహన కల్పిస్తున్నా... రోజూ పదుల సంఖ్యలో పోలీసులకు ఫిర్యాదులు అందుతూనే ఉన్నాయి. సైబర్ నేరగాళ్లు.. రోజుకో కొత్త పంథాను అనుసరిస్తూ అమాయకుల నుంచి అందినకాడికి దోచుకుంటున్నారు. చివరికి మరణించిన వారి ఖాతాల నుంచి కూడా నగదు కాజేస్తున్నారు.

తన సమీప బంధువు క్రాంతి కుమార్ చనిపోయిన 15 రోజుల అనంతరం అతని ఖాతా నుంచి రూ.15 లక్షల నగదు ఆన్​లైన్​ ద్వారా బదిలీ అయిందని హైదరాబాద్​ అబిడ్స్​కు చెందిన ఓ డాక్టర్ సైబర్ క్రైం పోలీసులను ఆశ్రయించాడు. ఎవరు బదిలీ చేశారో తెలుసుకుని చర్యలు తీసుకోవాలని ఫిర్యాదు చేశాడు. కేసు నమోదు చేసుకున్న పోలీసులు దర్యాప్తు చేస్తున్నారు.

ఓఎల్​ఎక్స్​లో వస్తువుల పేర్లతో, ఓటీపీ ద్వారా, కేవైసీ ఆప్​డేట్​ పేరుతో మోసపోయామంటూ సైబర్ క్రైం పోలీసులకు బాధితులు రోజూ క్యూ కడుతూనే ఉన్నారు. తాజాగా ఈ తరహా కేసుల్లో సైబర్ నేరగాళ్లు ఐదుగురి నుంచి రూ.4 లక్షలు లూఠీ చేశారు.

• ఇవీ చూడండి:దంపతుల హత్య కేసులో నిందితుల అరెస్ట్​