ఇన్సురెన్స్​ పాలసీలో బెనిఫిట్స్​ కావాలా అంటూ.. కస్టమర్​ కేర్​ నుంచి ఫోన్​ వచ్చిందా!.. తస్మాత్​ జాగ్రత్త

Customer Care Fraud Case in Hyderabad : ప్రస్తుత కాలంలో టెక్నాలజీ వేగంగా పెరిగిపోతుంది. ప్రతి ఒక్కరి చేతిలో సెల్​ఫోన్​ ఉండడంతో.. అదే సైబర్​ నేరగాళ్లకు ఆసరాగా మారింది. ఫేక్​ నంబర్లతో ఫోన్​ చేసి.. లాటరీ తగిలిందని.. పాలసీలు కట్టిస్తామని చెప్పి బ్యాంకు బ్యాలెన్స్​ను సర్వం ఊడ్చేస్తారు. అటువంటి ముఠా చేతిలో విశ్రాంతి ఉద్యోగిని ఏకంగా రూ.45 లక్షలు మోసపోయింది. అది ఫేక్​ అని తెలిసిన తర్వాత.. పోలీసులకు ఫిర్యాదు చేశారు. రంగంలోకి దిగిన పోలీసులు నలుగురు నిందితులను అరెస్ట్ చేశారు.

Customer Care Fraud Cheaters Arrest : హాలో మేము కస్టమర్​ కేర్(Customer Care Fraud)​ నుంచి మాట్లాడుతున్నాము.. మీరు ఇన్సురెన్స్​ తీసుకున్నారు కదా.. మీరు తీసుకున్న పాలసీకి ఇంకో పాలసీ కడితే ఎక్కువ బెనిఫిట్స్​ వస్తాయి.. అదనంగా మీకు ప్రయోజనం కలుగుతుంది. ఈ పాలసీ(Policy)ని తీసుకోవాలనుకుంటే వెంటనే మీకు పంపిన లింక్​పై క్లిక్​ చేయండని.. తీసుకుంటే మీకే మంచిదని సైబర్​ నేరగాళ్లు బురిడీ కొట్టిస్తారు. ఈ మధ్య అలాంటి కస్టమర్​ కాల్​ సెంటర్​ కేసులు కూడా విపరీతంగా పెరిగిపోయాయి. ఒకవేళ బెనిఫిట్స్​ గురించి ఆలోచించి వారు చెప్పినట్లుగా పాన్​నంబరు, బ్యాంకు వివరాలు చెప్పిన.. వారు పంపిన లింక్​ను క్లిక్​ చేసినా మీ అకౌంట్​లో డబ్బులు గోవిందా.

తాజాగా ఇలానే సైబర్​ మోసగాళ్ల(Cyber Crimes) వలలో పడి హైదరాబాద్​కు చెందిన విశ్రాంత ఉద్యోగిని ఏకంగా రూ.45 లక్షలను పోగొట్టుకుంది. చివరికి మోసపోయానని గమనించి.. సైబరాబాద్​ పోలీసులకు ఫిర్యాదు చేసింది. ఆమె ఫిర్యాదుతో కాల్​ సెంటర్​పై దాడి చేసి నలుగురి నిందితులను అదుపులోకి తీసుకున్నారు.

Customer Care Fraud 4 Members Arrest :పోలీసులు తెలిపిన వివరాల ప్రకారం.. ఓ ఫేక్​ కస్టమర్​ కేర్​ను దిల్లీ కేంద్రంగా నడుపుతున్నారు. వీరి ప్రధాన లక్ష్యం ఇన్సురెన్స్​ కట్టిన వారిని ఐడెంటిఫై చేసి.. కాల్​ చేస్తారు. పాలసీ కట్టిన వారిని ఇంకో పాలసీ కట్టాలని.. ఉన్న పాలసీలో కంటే ఎక్కువ బెనిఫిట్స్​ వస్తాయని నమ్మిస్తారు. అలా మోసపోయిన ఓ విశ్రాంత ఉద్యోగిని నుంచి ఏకంగా రూ.45 లక్షలు వసూలు చేశారు. ఆ తర్వాత ఆమె తను మోసపోయాననే విషయం గ్రహించి.. హైదరాబాద్​లోని సైబర్​ క్రైం పోలీసులకు ఫిర్యాదు చేశారు.

Customer Care Fraud in Insurance : బాధితురాలి ఫిర్యాదుతో దర్యాప్తు చేపట్టిన పోలీసులు నలుగురు నిందితులను అరెస్టు చేశారు. వారి వద్ద నుంచి రెండు లాప్​టాప్​లు, 40 సెల్​ఫోన్​లు, 3 వాకీ టాకీలు, కస్టమర్స్​ డీటెయిల్స్​ ఉన్న పుస్తకాలు, ఇన్సురెన్స్​ డేటా షీట్స్​ వంటివి స్వాధీనం చేసుకున్నారు. సైబర్​ ఫ్రాడ్స్,​ ఫేక్​ కాల్స్​ పట్ల అందరూ అప్రమత్తంగా ఉండాలని హైదరాబాద్​ నగర జాయింట్​ సీపీ క్రైం​ గజారావు భూపాల్​ విజ్ఞప్తి చేశారు.

Cyber Crime Latest News : ఇన్సురెన్స్​ కంపెనీల నుంచి వచ్చే కాల్స్​ పట్ల ప్రజలు అప్రమత్తంగా ఉండాలని.. ఆకాల్స్​ కంపెనీ నుంచి వస్తున్నాయా లేదా అని ముందుగా నిర్ధారించుకోవాలని కోరారు. పాలసీ లాప్స్​ అవుతుందంటే వెంటనే నమ్మకండని.. కంపెనీ నుంచి వచ్చే కాల్స్​ ల్యాండ్​ లైన్​ నంబర్​ నుంచి వస్తాయని వివరించారు. మొబైల్​ నంబర్​ నుంచి వస్తే.. అవి ఫేక్​ కాల్స్​ అని గుర్తించుకోవాలని అన్నారు. ఈ మధ్య విదేశీ నంబర్లు నుంచి కూడా చీటర్స్​ కాల్స్​ చేస్తున్నారని వాపోయారు.