పెండింగ్​ ప్రశ్నలకు వెంటనే సమాధానం పంపాలి: సీఎస్​

15:23 September 03

పెండింగ్​ ప్రశ్నలకు వెంటనే సమాధానం పంపాలి: సీఎస్​

వర్షాకాల సమావేశాలకు పూర్తి స్థాయిలో సన్నద్ధం కావాలని, సభ్యులు లేవనెత్తే అన్ని అంశాలకు తగు సమాధానాలు ఇచ్చే సమాచారం సిద్ధం చేసుకోవాలని ప్రభుత్వ ప్రధాన కార్యదర్శి సోమేశ్​ కుమార్ అధికారులను ఆదేశించారు. శాసనపరిషత్​, శాసనసభ సమావేశాల నేపథ్యంలో అన్ని శాఖల కార్యదర్శులు, ఉన్నతాధికారులతో హైదరాబాద్​ బీఆర్కే భవన్​లో సీఎస్​ సమావేశమయ్యారు.  

అన్ని శాఖలు తమ శాఖకు సంబంధించిన సమగ్ర సమాచారాన్ని తయారు చేయాలని.. ముఖ్య కార్యదర్శులు, కార్యదర్శులకు సీఎస్​ స్పష్టం చేశారు. శాసనపరిషత్​, శాసనసభలో  పెండింగ్​లో ఉన్న ప్రశ్నలకు వెంటనే సమాధానాలు పంపించాలని సూచించారు. వివిధ శాఖల అధికారులు, అసెంబ్లీ అధికారులతో సమన్వయం చేసుకొని పనిచేయాలన్నారు. శాసనమండలిలోనూ సీనియర్ అధికారులు ఉండేలా చూడాలని కార్యదర్శులను ఆదేశించారు. సమావేశాల సందర్భంగా సభ్యులు లేవనెత్తే అంశాలకు సంబంధించిన నోట్స్​ను అధికారులు సిద్ధం చేసుకొని ఉండాలని సీఎస్ సోమేశ్​ కుమార్ సూచించారు.

ఇదీ చూడండి:ఆసిఫాబాద్‌లో రెండోరోజు డీజీపీ మహేందర్​రెడ్డి పర్యటన