CR Reddy college: 'చాలా కాలం తర్వాత కలుసుకోవడం ఆనందంగా ఉంది'

CR Reddy college old students: ఏలూరు సీఆర్​ రెడ్డి కళాశాల పూర్వ విద్యార్థుల ఆత్మీయ సమ్మేళనం హైదరాబాద్​లోని పంజాగుట్టలో ఘనంగా జరిగింది. ఈ వేడుకల్లో పాల్గొన్న పూర్వ విద్యార్థులు తమ అనుభవాలు, ఘటనలు గుర్తు చేసుకుంటూ అధ్యాపకులతో ఆనందం పంచుకున్నారు.

CR Reddy college old students: ఏలూరు సీఆర్‌ రెడ్డి కళాశాల 1985- 2012 సంవత్సరాల పూర్వ విద్యార్థుల ఆత్మీయ సమ్మేళనం హైదరాబాద్ పంజాగుట్టలో ఘనంగా నిర్వహించారు. ఈఎఫ్​ఎస్​ఐ కార్యాలయంలో జరిగిన వేడుకల్లో కళాశాల పూర్వ విద్యార్థులు పెద్దఎత్తున పాల్గొన్నారు. తమ అనుభవాలు, ఘటనలు గుర్తు చేసుకుంటూ అధ్యాపకులతో ఆనందం పంచుకున్నారు. కళాశాలలో బోధించిన పాఠ్యాంశాలు శ్రద్దగా నేర్చుకుని ఉన్నత స్థానాలకు తమ విద్యార్థులు చేరుకున్నారని ఆ కళాశాల అధ్యాపకులు డాక్టర్ మంచాల సంతోషం వ్యక్తం చేశారు. ఈ ఏడాది నుంచి ప్రతీ సంవత్సరం ఆత్మీయ సమ్మేళనం ఏర్పాటు చేయాలనుకుంటున్నామని కళాశాల పూర్వ విద్యార్థి, కార్యక్రమ నిర్వహకులు డాక్టర్ ఎంఎస్​ఆర్కే ప్రసాద్ తెలిపారు.

మేం దాదాపు చాలా మంది ఈ మీట్​లో పాల్గొన్నాం. వైజాగ్​ నుంచి కూడా వచ్చారు. చాలా మంది కూడా దూర ప్రాంతాల నుంచి వచ్చారు. ప్రతి సంవత్సరం ఒకసారి ఈ సమావేశం ఏర్పాటు చేయాలనుకుంటున్నాం. కొంతమంది ప్రైవేటులో, మరికొంతమంది ప్రభుత్వ ఉద్యోగాలు చేస్తున్నారు. ఇలాంటి సమావేశాలు నిర్వహించడం అందరు విద్యార్థులకు ఇది లాభదాయకం.

- డాక్టర్ ఎంఎస్​ఆర్కే ప్రసాద్​, కళాశాల పూర్వ విద్యార్థి

నేను సీఆర్ రెడ్డి కాలేజీలో 20 ఏళ్లుగా హెడ్​ ఆఫ్​ ద డిపార్ట్​మెంట్​లో పనిచేశా. టీచింగ్ అంటేనే పిల్లల పర్సనాలిటీని తీర్చిదిద్దాలి. చాలా మంది గ్రామీణ ప్రాంతాల నుంచి వచ్చారు. సీఆర్ రెడ్డి కాలేజీ అంటేనే మర్చిపోలేని స్థితికి వచ్చింది. మా పిల్లలు అన్ని రంగాల్లో రాణిస్తున్నారు.

- డాక్టర్ మంచాల, కళాశాల అధ్యాపకురాలు

విద్యార్థులు, ఆధ్యాపకులు తోటి విద్యార్థులను మరిచిపోకుండా చాలా కాలం తర్వాత ఆత్మీయ సమ్మేళనం జరుపుకోవడం ఆనందదాయకమని డాక్టర్ మంచాల పేర్కొన్నారు. తామందరం ఒకే కాలేజీలో చదువుకుని ఎలాంటి ఉన్నత స్థానంలో ఉన్నా కూడా ఇలాంటి సందర్భాల్లో కలుసుకోవడం గొప్ప విషయమని విద్యార్థులు పేర్కొన్నారు. ఈ కార్యక్రమాన్ని నిర్వహించిన డాక్టర్ ఎంఎస్​ఆర్​కె ప్రసాద్, ఇతరులను అభినందించారు. వేడుకలో సర్ సీఆర్ రెడ్డి కాలేజీ ఏలూరు విద్యార్థులు డాక్టర్ ఎంఎస్​ఆర్​కె ప్రసాద్, జి.రామకృష్ణ, కోఆర్డినేటర్ శాలెం బి.శ్రీనివాసులు, సుధాకర్, పార్థసారథి, కళాశాల అధ్యాపకులు డాక్టర్ కృష్ణ చౌదరి, ఇతర విద్యార్థులు పెద్ద ఎత్తున పాల్గొన్నారు.

ఇవీ చదవండి: