ప్రభుత్వం ప్రకటిస్తున్న కేసుల్లో వ్యత్యాసం ఉంది: సీపీఎం

14:39 August 26

ప్రభుత్వం ప్రకటిస్తున్న కేసుల్లో వ్యత్యాసం ఉంది: సీపీఎం

     గ్రేటర్ హైదరాబాద్​లో కొవిడ్​ కేసులు లేవని ప్రభుత్వం ప్రకటించడం విడ్డూరంగా ఉందని సీపీఎం గ్రేటర్ సెంట్రల్ జోన్ కార్యదర్శి శ్రీనివాస్​ రెడ్డి అన్నారు. రోజు ప్రభుత్వం ప్రకటిస్తున్న కరోనా​ కేసుల వివరాల్లో చాలా వ్యత్యాసం ఉందని ఆరోపించారు. గ్రేటర్​లో ర్యాపిడ్ పరీక్ష కేంద్రాలు, పీసీఆర్ కేంద్రాల్లో రోజూ నమోదవుతున్న కేసుల వివరాలను బహిర్గతం చేయాలని డిమాండ్ చేశారు. హైదరాబాద్ గోల్కొండ క్రాస్ రోడ్​లోని పార్టీ నగర కార్యాలయంలో ఆయన మీడియాతో మాట్లాడారు

    వచ్చే నెలలోపు నగరంలో మహమ్మారి కేసులు ఉండవని ప్రకటించడంలో ఆంతర్యమేమిటని ఆయన ప్రశ్నించారు. నగరంలో చేపట్టిన రాపిడ్ పరీక్షల్లో చాలా వరకు నెగిటివ్ వస్తున్నాయని ఆరోపించారు.​ వైరస్​ విషయంలో ప్రజలను మభ్యపెట్టడం సరికాదని.. వ్యాధిపై ప్రజలకు అవగాహన పెంపొందించాల్సిన అవసరం ప్రభుత్వంపై ఉందని పేర్కొన్నారు.

ఇదీ చూడండి:బతికుండగానే చంపేశారు.. ఆసుపత్రి ముందు ఆందోళన