మగ్దూం ఆశయ సాధన కోసం సీపీఐ పని చేస్తోంది: చాడ

నిజాం నిరంకుశ పాలనకు వ్యతిరేకంగా వీరులు చేసిన పోరాటాలు.. నేటితరానికి ఎంతో స్ఫూర్తి అని సీపీఐ రాష్ట్ర కార్యదర్శి చాడ వెంకట్​ రెడ్డి తెలిపారు. ప్రముఖ ఉర్దూ కవి మగ్దూం మొహియుద్దీన్ జయంతి కార్యక్రమంలో ఆయన పాల్గొన్నారు.

నిజాం నిరంకుశ పాలన నుంచి విముక్తి కోసం పోరాటం చేసిన ప్రముఖ ఉర్దూ కవి మగ్దూం మొహియుద్దీన్​ జయంతి వేడుకలను సీపీఐ నాయకులు హైదరాబాద్​లో ఘనంగా నిర్వహించారు. హిమయత్​నగర్​లోని సీపీఐ రాష్ట్ర కార్యాలయంలో ఆయన చిత్ర పటానికి పూలమాలలు వేసి నివాళులు అర్పించారు.

నిరంకుశ పాలన నుంచి విముక్తికై సాయుధ పోరాటానికి పిలుపునిచ్చిన వీరుడు మగ్దూం అంటూ సీపీఐ రాష్ట్ర కార్యదర్శి చాడ వెంకట్ రెడ్డి గుర్తుచేశారు. ఆ పోరాటం ఫలితంగానే... నిజాం పాలన రద్దైందని తెలిపారు. వీరుల జీవితాలు నేటితరానికి స్ఫూర్తి అని... మగ్దూం ఆశయ సాధన కోసం సీపీఐ పార్టీ పని చేస్తోందని చాడ స్పష్టం చేశారు.

ఇదీ చూడండి:మగ్దూం మొహియుద్దీన్​కు సీపీఎం నగర కమిటీ నివాళులు