'ప్రజాస్వామ్యాన్ని సీఎం కేసీఆర్​ ఖూనీ చేస్తున్నారు'

సీఎం కేసీఆర్​ వైఖరికి నిరసనగా... హైదరాబాద్ హిమాయత్​నగర్​లోని ఏఐటీయూసీ భవన్ ముందు సీపీఐ నేతలు నారాయణ, చాడ వెంకట్​రెడ్డి నల్ల దుస్తులు వేసుకొని నిరసన వ్యక్తం చేశారు. సాంబశివరావును అర్ధరాత్రి పూట అరెస్టు చేయటాన్ని తీవ్రంగా ఖండించారు.

ముఖ్యమంత్రిగా పదవి చేపట్టిన మరు నిమిషం నుంచే ప్రజాస్వామ్యాన్ని ఖూనీ చేస్తున్నారంటూ... సీఎం కేసీఆర్​పై సీపీఐ జాతీయ కార్యదర్శి నారాయణ త్రీవ స్థాయిలో మండిపడ్డారు. ప్రభుత్వ వైఖరికి వ్యతిరేకంగా సీపీఐ 'చలో డీజీపీ కార్యాలయ ముట్టడి' చేపట్టింది. హైదరాబాద్ హిమాయత్​నగర్​లోని ఏఐటీయూసీ భవన్ ముందు ఆ పార్టీనేతలు నారాయణ, చాడ వెంకట్​రెడ్డి నల్ల దుస్తులు వేసుకొని నిరసన వ్యక్తం చేశారు. ఆర్టీసీ పరిరక్షణకై సీపీఐ రాష్ట్ర సహాయ కార్యదర్శి కూనంనేని సాంబశివరావు శాంతి యుతంగా నిరవధిక నిరాహార దీక్ష చేస్తే... అర్ధరాత్రి దొంగల్లా ఎత్తుకెళ్లారని దుయ్యబట్టారు. ప్రజాస్వామ్య బద్ధంగా రాష్ట్రాన్ని ప్రజలు ఏ విధంగా సాధించుకున్నారో... అదే తరహాలో ఆర్టీసీ కార్మికులు తమ డిమాండ్లను సాధించుకుంటారన్నారు. ఇప్పటికైనా కార్మికుల డిమాండ్లు పరిష్కరించి... సమ్మె విరమింపజేయలని డిమాండ్​ చేశారు.

ఇవీ చూడండి: హైకోర్టుకు నివేదించాల్సిన అంశాలపై సీఎం దిశానిర్దేశం