రాజ్​భవన్​ ముట్టడికి యత్నించిన సీపీఐ

వలస కార్మికులను స్వస్థలాలకు పంపించాలనే డిమాండ్​తో సీపీఐ ఆధ్వర్యంలో రాజ్​భవన్​ ముట్టడికి యత్నించారు. వలస కార్మికులతో రాజ్​భవన్​​వద్దకు చేరుకున్న సీపీఐ నేతలు నారాయణ, చాడ వెంకటరెడ్డిని పోలీసులు అడ్డుకున్నారు.

వలసకార్మికులను స్వస్థలాలకు పంపడంలో కేంద్ర, రాష్ట్ర ప్రభుత్వాలు నిర్లక్ష్యంగా వ్యవహరిస్తున్నాయని సీపీఐ నేతలు ఆరోపించారు. హైదరాబాద్​ మక్తాలో వలస కార్మికులను కలిసిన సీపీఐ నేతలు నారాయణ, చాడ వెంకటరెడ్డి... కార్మికుల సమస్యలు అడిగి తెలుసుకున్నారు.

కార్మికులను వెంటనే ఇంటికి పంపించే ఏర్పాటు చేయాలని డిమాండ్​ చేశారు. వలసకార్మికులను తీసుకుని రాజ్​భవన్​ ముట్టడికి యత్నించిన సీపీఐ నేతలను పోలీసులు అడ్డుకున్నారు. వారి సమస్యను పరిష్కరించని పక్షంలో పెద్దఎత్తున ఆందోళన చేస్తామని సీపీఐ నేతలు హెచ్చరించారు.

ఇదీ చూడండి:ఇంటర్‌ మూల్యాంకనం చేసే అధ్యాపకుల ఆందోళన