ఉచిత అంబులెన్స్​ సేవలను ప్రారంభించిన సజ్జనార్​

హైదరాబాద్​లో ఐటీ సంస్థల సహకారంతో ఎనిమిది ఉచిత అంబులెన్స్​లను సీపీ సజ్జనార్​ ప్రారంభించారు. డయాలసిస్‌, కరోనా బాధితులు, గర్భిణులతో సహా అత్యవసర సేవల కోసం 94906 17431, 94906 17440 నంబర్లకు ఫోన్ చేయాలని ఆయన సూచించారు.

హైదరాబాద్​ నగరంలో అంబులెన్స్‌ నిర్వాహకులు కొవిడ్ -19 సమయంలో ఎక్కువ డబ్బులు వసూలు చేస్తే కఠిన చర్యలు తీసుకుంటామని సైబరాబాద్ సీపీ సజ్జనార్‌ హెచ్చరించారు. సైబరాబాద్ కమిషనరేట్​లో ఐటీ సంస్థల సహకారంతో అందుబాటులోకి తెచ్చిన ఎనిమిది అంబులెన్స్‌లను ఆయన ప్రారంభించారు.

మరో నాలుగు అంబులెన్స్‌లు సోమవారం నుంచి అందుబాటులోకి వస్తాయన్నారు. డయాలసిస్‌, కరోనా బాధితులు, గర్భిణులు అత్యవసర సేవలు కావాల్సిన వారు ఈ అంబులెన్స్‌లను ఉచితంగా వినియోగించుకోవచ్చునని సీపీ వెల్లడించారు. అంబులెన్స్‌ అవసరం ఉన్న వారు 94906 17431, 94906 17440 నంబర్లకు ఫోన్ చేసి సహాయం పొందాలన్నారు. ఈ అంబులెన్స్‌లను ఇన్‌స్పెక్టర్ ర్యాంక్ అధికారి పర్యవేక్షిస్తారని సజ్జనార్ వివరించారు.

ఇదీ చూడండి :రాష్ట్రంలోని ప్రతి ఒక్కరికీ ఉచితంగా వ్యాక్సినేషన్‌: సీఎం కేసీఆర్‌