రాచకొండ పోలీస్‌ కమిషనరేట్‌ పరిధిలో మహిళ రక్షణ కోసం చేపడుతున్న చర్యలతో మంచి ఫలితాలు వస్తున్నాయని సీపీ మహేశ్ భగవత్ వెల్లడించారు. మహిళల అక్రమ రవాణాను నిరోధించడంలో 25 ఏళ్లుగా ప్రజ్వల స్వచ్ఛంద సంస్థ చేస్తున్న కృషి అభినందనీయమన్నారు. విద్యా, ఐటీ సంస్థలు ఉన్న చోట్ల షీ బృందాలు చురగ్గా పని చేస్తున్నాయని సీపీ వివరించారు.
మహిళలను వేధించే ఆకతాయిలను అదుపులోకి తీసుకుని కౌన్సిలింగ్‌ ఇస్తున్నామని తెలిపారు. ప్రజ్వల స్వచ్చంధ సంస్థ ఏర్పాటై 25 ఏళ్లు పూర్తైన సందర్భంగా ఎండ్ స్లేవరీ 1కె రన్‌ను ఉప్పల్‌ రింగ్‌ వద్ద నిర్వహించగా.. సీపీ మహేశ్ భగవత్ జెండా ఊపి ప్రారంభించారు.