హిజ్రాలకు నిత్యావసరాలు అందించిన సీపీ అంజనీకుమార్​

బంజారాహిల్స్​ పోలీసుల ఆధ్వర్యంలో నగరంలోని హిజ్రాలకు నిత్యావసరాల పంపిణీ కార్యక్రమం ఏర్పాటు చేశారు. సీపీ అంజనీకుమార్​ హాజరై.. నిత్యావసరాలను అందజేశారు.

హిజ్రాలు కూడా సమాజంలో భాగమేనని హైదరాబాద్​ సీపీ అంజనీకుమార్​ పేర్కొన్నారు. బంజారాహిల్స్​ పోలీసుల ఆధ్వర్యంలో నగరంలోని హిజ్రాలకు నిత్యావసర సరుకులు అందించారు.

లాక్​డౌన్ వల్ల ఇబ్బందులు ఎదుర్కొంటున్న హిజ్రాలను ఆదుకునేందుకే నిత్యావసర సరకులు పంపిణీ చేసినట్లు సీపీ పేర్కొన్నారు. ఈ సందర్భంగా హిజ్రాలు భౌతిక దూరం పాటిస్తూ కూర్చోవడాన్ని ఆయన అభినందించారు. ప్రజల ఆరోగ్యాన్ని దృష్టిలో ఉంచుకునే లాక్​డౌన్ కొనసాగుతోందని.. ప్రతి ఒక్కరూ ఇళ్లల్లోనే ఉండి సహకరించాలని కోరారు. ఇవీ చూడండి:సాదాసీదాగా తెజస వార్షికోత్సవం