మళ్లీ పంజా విప్పుతున్న కొవిడ్​ - రాష్ట్రంలో మరో 6 కేసులు

Covid Cases in Telangana Today : రాష్ట్రంలో కరోనా మళ్లీ పంజా విప్పుతోంది. గడిచిన 24 గంటల్లో 925 మందికి పరీక్షలు చేయగా 6 మందికి పాజిటివ్​ వచ్చిందని వైద్యారోగ్య శాఖ వెల్లడించింది. ప్రస్తుతం రాష్ట్రంలో 19 యాక్టివ్​ కేసులు ఉన్నాయని తెలిపింది.

Covid Cases in Telangana Today : కొవిడ్​ పూర్తిగా అంతరించిపోయిందని భావించేలోపే మళ్లీ దేశంలో చాపకింద నీరులా పాకుతోంది. కొత్త వేరియంట్​లతో ప్రజలకు దడపుట్టిస్తోంది. కరోనా, కరోనా 2.0, ఒమిక్రాన్​ వీటితో చాలా మంది ఇబ్బంది పడ్డారు. ఇప్పుడు మళ్లీ మరో కొత్త వేరియంట్​ జేఎన్​ 1(Covid New Variant JN 1) దేశంలో వ్యాపిస్తోంది. ఇప్పటికే దేశంలో పలు రాష్ట్రాల్లో కొవిడ్ కేసులు నమోదవుతున్నాయి. దీంతో కేంద్ర ప్రభుత్వం, రాష్ట్ర ప్రభుత్వాలను అప్రమత్తంగా ఉండాలని సూచించింది.

Telangana Government Alert on Covid New Variant: రాష్ట్రంలో కొవిడ్​ నివారణపై పలు చర్యలు తీసుకున్నామని వైద్యులు తెలిపారు. కొవిడ్ నిర్ధారణ అయితే తగిన వైద్యం అందించేందుకు సిద్ధంగా ఉన్నామని పేర్కొన్నారు. ఈ క్రమంలో రాష్ట్రంలో కూడా కొవిడ్​ కేసులు నమోదు అవుతున్నాయి. తాజాగా మరో 6 కరోనా కేసులునమోదయ్యాయి. గడచిన 24 గంటల్లో 925 మందికి పరీక్షలు నిర్వహించారు.

అందులో ఆరుగురికి కొవిడ్‌ పాజిటివ్‌గా(Telangana Covid Cases) నిర్ధారణ అయిందని వైద్యారోగ్యశాఖ ప్రకటించింది. వ్యాధి సోకిన వారిలో నలుగురు హైదరాబాద్‌కు చెందిన వారుగా గుర్తించారు. ఒకరు మెదక్, మరొకరు రంగారెడ్డికి చెందిన వారు ఉన్నారు. మరో 54 మందికి సంబంధించిన ఫలితాలు రావాల్సి ఉంది. రాష్ట్రవ్యాప్తంగా ప్రస్తుతం 19 యాక్టివ్‌ కేసులు ఉన్నాయి. ఇప్పటికి ఒకరు రికవరీ అయ్యారు.

First Covid Case in Niloufer Hospital in Hyderabad : ఈ క్రమంలో హైదరాబాద్​లోని నిలోఫర్‌ ఆసుపత్రిలో తొలి కొవిడ్‌ కేసు నమోదైంది. నాలుగైదు రోజుల క్రితం నాంపల్లి ఆగాపుర ప్రాంతానికి చెందిన 14 నెలల చిన్నారికి తీవ్ర జ్వరం, ఊపిరి పీల్చుకోవడం(COVID Symptoms)లో ఇబ్బంది పడుతుండంతో నిలోఫర్​ ఆస్పత్రికి ఆ చిన్నారిని తీసుకువచ్చారు. అనంతరం వైద్యులు చికిత్స అందిస్తుండగా అనుమానం వచ్చి కొవిడ్ పరీక్ష చేశారు. దీంతో పాజిటివ్​గా నిర్ధారణ అయింది.

Corona Attack on 14 Months Baby in Hyderabad : ప్రస్తుతం చిన్నారికి నిలోఫర్​ ఆస్పత్రిలోని ఐసోలేషన్​ వార్డులో చికిత్స అందిస్తున్నారు. ఆరోగ్యం మెరుగైందని, ఆక్సిజన్​ సాయంతో చికిత్స పొందుతోందని ఆస్పత్రి వైద్యాధికారి శ్రీనివాస్‌ కల్యాణి వెల్లడించారు. కొవిడ్​ కొత్త వేరియంట్​పై ప్రజలు అప్రమత్తంగా ఉండాలని వైద్య నిపుణులు సూచిస్తున్నారు. ప్రతి ఒక్కరు కొవిడ్‌ నిబంధనలు తప్పనిసరిగా పాటించాలని తెలిపారు. సరైన జాగ్రత్తలు తీసుకుంటే కొత్త వేరియంట్​ బారి నుంచి తప్పించుకోవచ్చని సూచించారు.