రాష్ట్రంలో 9కి చేరిన కొవిడ్ కేసుల సంఖ్య - ముందస్తు చర్యల్లో అధికారులు

Covid 19 variant JN1 Virus : కరోనా మహమ్మారి కొత్త వేరియంట్​ జేఎన్​ 1 రోజురోజుకు విజృంభిస్తుండడంతో ప్రభుత్వం ముందస్తు చర్యలు చేపడుతోంది. ఇప్పటికే ఉన్నతాధికారులతో చర్చించి వైద్య శాఖను, సంబంధిత సిబ్బందిని సూచించింది. ప్రభుత్వ ఆసుుపత్రులతో పాటు ప్రైవేట్​ హాస్పిటల్స్​ ముందస్తు జాగ్రత్త చర్యలు చేపట్టాయి. అన్ని రకాల సౌకర్యాలతో కోవిడ్ కోసం ప్రత్యేక పడకలను సిద్ధం చేస్తున్నాయి.

Covid 19 Variant JN1 Virus : దేశవ్యాప్తంగా కొవిడ్ కేసులు పెరుగుతున్న క్రమంలో ముందస్తు జాగ్రత్తలు తీసుకోవాలని ప్రభుత్వం వైద్య ఆరోగ్య అధికారులను (Medical Health Officers) సూచించింది. రాష్ట్రంలోనూ యాక్టివ్ కేసుల సంఖ్య 9కి చేరింది. ఈ నేపథ్యంలో అప్రమత్తమైన వైద్య ఆరోగ్య శాఖ, కేసులు పెరిగితే ఇబ్బంది లేకుండా ఉండేందుకు ఆస్పత్రులుసన్నద్ధమవ్వాలని మార్గదర్శకాలు (guidelines) జారీ చేసింది. దీంతో ముందు జాగ్రత్త చర్యలు చేపట్టినట్టు ఉస్మానియా ఆస్పత్రి సూపరింటెండెంట్ ప్రకటించారు.

Corona Cases In Telangana : ఐసీయూ సహా అన్ని రకాల సౌకర్యాలతో కోవిడ్ కోసం ప్రత్యేక పడకలను (Special beds)సిద్ధం చేస్తున్నట్టు ఓ ప్రకటనలో ఉస్మానియా ఆస్పత్రి సూపరింటెండెంట్(Osmania Hospital Superintendent)పేర్కొన్నారు. వెంటిలేటర్లు, ఆక్సిజన్ సరఫరా, ఆర్ టీపీసీఆర్ కిట్లు(RTPCR Kits), అవసరమైన మందులు ఉండేలా చూస్తున్నామన్నారు. మాస్కులు ధరించటం సహా అన్ని రకాల కొవిడ్ నిబంధనలు పాటించాలని సిబ్బంది ఆదేశించినట్టు స్పష్టం చేశారు.

Corona News Update :దేశవ్యాప్తంగా కరోనా కేసులు పెరుగుతున్న క్రమంలో వరంగల్వైద్య ఆరోగ్యశాఖ అధికారులు కూడా అప్రమత్తమయ్యారు. కొత్త వేరియంట్​ జేఎన్​ 1 మహమ్మారిని ఎదుర్కొనేందుకు ముందస్తుగా వరంగల్ ఎంజీఎం(MGM) ఆస్పత్రిలో ప్రత్యేక విభాగాన్ని ఏర్పాటు చేశారు. 50 పడకలతో కొవిడ్ వార్డును (Covid ward) ఏర్పాటు చేశామని ఎంజీఎం ఆర్ఎంఓ మురళి స్పష్టం చేశారు. మొత్తం 50 పడకలలో 10 పడకలలో వెంటిలేటర్లను మరో 20 పడకలకు ఆక్సిజన్ ఏర్పాటు చేశామని వైద్యులు తెలిపారు.

Chest Hospital Provides Facilities for Corona :కోవిడ్‌ జేఎన్‌ 1 వేరియంట్‌ ప్రబలుతున్న నేపథ్యంలో ఎటువంటి విపత్తునైనా ఎదుర్కొనేందుకు సిద్ధంగా ఉన్నామని ఎర్రగడ్డలోని ఛాతీ ఆసుపత్రి(Erragadda Chest Hospital) సూపరింటెండెంట్‌ డా.మహబూబ్‌ ఖాన్‌ తెలిపారు. మంగళవారం ఆసుపత్రిలోని అన్ని విభాగాలు, వైద్య సిబ్బందితో ఆయన ప్రత్యేకంగా సమావేశమయ్యారు. అనంతరం విలేకరులతో మాట్లాడారు. గతంలో 50 పడకలు ప్రత్యేకంగా ఏర్పాటు చేసి కరోనాకు చికిత్స అందించామని చెప్పారు.

Chest Hospital Facilitated Isolation Ward : ప్రస్తుతం ప్రత్యేక విభాగాన్ని ఏర్పాట్లు చేస్తున్నట్లు డా.మహబూబ్‌ఖాన్‌ తెలిపారు. 30 వెంటిలేటర్లు సిద్ధంగా ఉన్నాయని, 10 మంది పల్మనాలజిస్ట్‌లతో(Pulmonologist) పాటు మరో 50 మంది పీజీలు సేవలనందిస్తున్నారని తెలిపారు. సరిపడా ఆక్సిజన్‌ సరఫరా సౌకర్యం ఉందన్నారు.

Corona JN1 Variant Symptoms : కరోనా కొత్త వేరియంట్‌ కేసులు దేశంలో వెలుగుచూసిన నేపథ్యంలో తగిన జాగ్రత్తలు తీసుకోవడం మంచిదని ఉన్నతాధికారులు, వైద్యులు సూచించారు. దగ్గు, జలుబు, తల, కండరాల నొప్పులు, జ్వరం వంటి లక్షణాలుంటే తక్షణం వైద్యులను సంప్రదించాలన్నారు.