పెండింగ్ ప్రాజెక్టులను త్వరగా పూర్తి చేయాలి: గుత్తా

పెండింగ్​లో ఉన్న ప్రాజెక్టులను త్వరితగతిన పూర్తి చేయాలని శాసన మండలి ఛైర్మన్ గుత్తా సుఖేందర్ రెడ్డి.. కేంద్ర ఉపరితల రవాణా శాఖ మంత్రి నితిన్​ గడ్కారిని కోరారు. తెలంగాణ అసెంబ్లీ నుంచి దృశ్య మాద్యమం ద్వారా జాతీయ రహదారుల ప్రారంభోత్సవ కార్యక్రమంలో పాల్గొన్నారు.

దృశ్య మాద్యమం ద్వారా తెలంగాణలోని 14 జాతీయ రహదారులను కేంద్ర ఉపరితల రవాణా శాఖ మంత్రి నితిన్​ గడ్కారి జాతికి అంకితం చేశారు. ఈ కార్యక్రమంలో శాసన మండలి ఛైర్మన్ గుత్తా సుఖేందర్ రెడ్డి అసెంబ్లీ నుంచి దృశ్య మాద్యమం ద్వారా పాల్గొన్నారు.

ప్రజలు ఎప్పటి నుంచో ఎదురుచూస్తున్న సూర్యాపేట-ఖమ్మం జాతీయ రహదారి ఎన్​ హెచ్-365బీబీ( 58.626కి.లో), నకిరేకల్-నాగార్జున సాగర్ ఎన్​హెచ్​-565 ( 85.45కి.మీ), యాదాద్రి-వరంగల్ ఎన్​హెచ్​163 (99.103km), నకిరేకల్-తానంచర్ల ఎన్​హెచ్​365 (66.58 km) జాతీయ రహదారుల ప్రారంభోత్సవాన్ని పురస్కరించుకొని ఉమ్మడి నల్గొండ జిల్లా ప్రజలకు శుభాకాంక్షలు తెలిపారు. ఇంకా మిగిలి ఉన్న ప్రాజెక్టులకు కూడా ఆమోదం తెలిపి జిల్లా భివృద్ధికి కృషి చేయాలని నితిన్​ గడ్కారిని కోరారు.

ఇదీ చదవండి:ఏడోరోజు నిజ అవతారంలో భద్రాద్రి రామయ్య