డబ్బుల వ్యవహారంపై కార్పొరేటర్ ఆడియో సంభాషణ కలకలం

ముషీరాబాద్ నియోజకవర్గం అడిక్మెట్‌ డివిజన్‌ కార్పొరేటర్ అవినీతి వ్యవహారం ఆడియో సామాజిక మాధ్యమాల్లో వైరల్​గా మారింది. డివిజన్​లో పలు ప్రాంతాల్లో జరుగుతున్న నిర్మాణాలకు సంబంధించిన డబ్బుల వ్యవహారంపై కార్పొరేటర్, ఆమె భర్త జయరామిరెడ్డి మధ్య జరిగిన సంభాషణ చర్చనీయాంశంగా మారింది.

హైదరాబాద్​లోని ముషీరాబాద్ నియోజకవర్గ అడిక్మెట్‌ డివిజన్‌ కార్పొరేటర్‌ హేమలత అవినీతి వ్యవహారం ఆడియో లీక్​ బయటపడింది. కార్పొరేటర్ హేమలత, జయరామిరెడ్డి పలు నిర్మాణాల విషయంలో డబ్బులు ఇవ్వడంపై భార్యాభర్తల మధ్య జరిగిన సంభాషణ ఆసక్తికరంగా మారింది. ఆమె భర్త జయరామిరెడ్డి మధ్య జరిగిన సంభాషణను గుర్తు తెలియని వ్యక్తులు రికార్డ్ చేశారు.

ఆ ఆడియో విషయంపై స్థానిక ప్రజలతోపాటు పలు రాజకీయ పార్టీల నాయకులు తీవ్రంగా చర్చిస్తున్నారు. ఆ విషయం సీఎం కేసీఆర్, పురపాలక శాఖ మంత్రి కేటీఆర్ దృష్టికి వెళుతుందని పలు రాజకీయ పార్టీల నేతలు అభిప్రాయం వ్యక్తం చేస్తున్నారు.

ఇదీ చూడండి :నర్సాపూర్‌ లంచం కేసు నిందితులకు 4 రోజుల కస్టడీ