Corona Vaccine: త్వరలో విద్యుత్​శాఖ సిబ్బందికి వ్యాక్సిన్​

త్వరలోనే విద్యుత్​శాఖ సిబ్బందికి వ్యాక్సిన్​ వేయనున్నారు. టీకా అందించాలని చేసిన విజ్ఞప్తికి సీఎం సానుకూలంగా స్పందించారని సీఎండీ ప్రభాకర్​రావు తెలిపారు. 52 వేలకుపైగా సిబ్బందికి టీకా వేయనున్నట్లు వెల్లడించారు.

విద్యుత్​ సిబ్బందికి కరోనా వ్యాక్సిన్​ వేయాలని ముఖ్యమంత్రి కేసీఆర్​ ప్రభుత్వ ప్రధాన కార్యదర్శి సోమేష్​కుమార్​ను ఆదేశించారని ట్రాన్స్​కో, జెన్కో సీఎండీ ప్రభాకర్​ రావు తెలిపారు. విద్యుత్​ ఉద్యోగులను, సిబ్బందిని ఫ్రంట్​లైన్​ వారియర్లుగా గుర్తించి వారికి వ్యాక్సిన్​ ఇప్పించాలన్న విజ్ఞప్తికి సీఎం సానుకూలంగా స్పందించారని ప్రభాకర్​రావు వెల్లడించారు. వ్యాక్సిన్​ వేయడంపై వీలైనంత త్వరగా సంబంధిత అధికారులతో చర్చించి వ్యాక్సినేషన్​ను ప్రారంభించాలని సీఎస్​ను సీఎం ఆదేశించారని సీఎండీ వివరించారు.

విద్యుత్ శాఖలో 52 వేలకు పైగా సిబ్బంది పనిచేస్తున్నారు. త్వరలోనే వీరందరికీ వ్యాక్సినేషన్ ప్రక్రియ చేపట్టనున్నట్లు తెలుస్తోంది. ఉద్యోగులకు, సిబ్బందికి వ్యాక్సినేషన్ వేసేందుకు అంగీకరించిన సీఎం కేసీఆర్​కు ట్రాన్స్ కో, జెన్కో సీఎండీ ప్రభాకర్ రావు కృతజ్ఞతలు తెలియజేశారు.

ఇదీ చదవండి :భూముల సమగ్ర సర్వేపై ముఖ్యమంత్రి కేసీఆర్ సమీక్ష