ఇదే అదునుగా... సైబర్​ మోసాలు

కరోనా విపత్తు అదునుగా సైబర్​ మోసాగాళ్లు రెచ్చిపోతున్నారు. థర్మామీటర్ల కోసం ఆర్డర్​ ఇచ్చి తీరా డబ్బులు చెల్లించాకా... అందలేదంటూ లక్ష రూపాయలకు బురిడి కొట్టించిన ఘటన మన హైదరాబాద్​లోనే జరిగింది.

కరోనాను ఆసరాగా చేసుకొని సైబర్ కేటుగాళ్లు మోసాలకు పాల్పడుతున్నారు. హైదరాబాద్​కి చెందిన ఓ కంపెనీ మానవతా దృక్పథంతో మాస్కులు, శానీటైజర్లు పంపిణీ చేసింది. థర్మామీటర్లను కూడా పంపిణీ చేయాలని నిర్ణయించుకున్నారు.

థర్మామీటర్లను కొనుగోలు చేసేందుకు ఆ కంపెనీ యజమాని శరత్ చంద్ర జస్ట్ డయల్ ద్వారా పూణేకు చెందిన ఓ కంపెనీ వివరాలు తీసుకున్నాడు. వారు మేం సప్లై చేస్తామంటూ ఫోన్​ చేశారు. వారికి 300 థర్మా మీటర్ల ఆర్డర్ ఇచ్చాడు. అందుకు అడ్వాన్స్​గా రూ. లక్ష ఆన్​లైన్​లో ట్రాన్స్​ఫర్ చేశాడు. మళ్లీ ఫోన్​ చేస్తే డబ్బులు తమకు రాలేదని బుకాయించినట్టు శరత్​ తెలిపారు. మోసపోయామని తెలుసుకున్న బాధితుడు హైదరాబాద్ సైబర్ క్రైమ్ పోలీసులకు ఫిర్యాదు చేయగా కేసు నమోదు చేసుకుని దర్యాప్తు ప్రారంభించారు.

ఇదీ చూడండి :సరిహద్దులో ఓ వ్యక్తిని చంపేసిన మావోలు