రంగారెడ్డి జిల్లా వనస్థలిపురం ఏరియా ఆస్పత్రిలో గత బుధవారం నుంచి కరోనా పరీక్షలు చేస్తున్నారు. కాగా లక్షణాలతో కొందరు.. ప్రైమరీ కాంటాక్ట్ మరికొందరు.. ఇలా నిత్యం వందలాది మంది కరోనా అనుమానితులు పరీక్షల నిమిత్తం దవాఖానాకు వచ్చి పరీక్షలు చేయించుకుంటున్నారు. అయితే కొందరికి మాత్రమే రిపోర్ట్స్ వచ్చాయి చాలా మందికి తమకు పాజిటివ్ వచ్చిందా రాలేదా అనే ఫలితాలు రాక ఆవేదనకు గురవుతున్నారు. ఎవరిని సంప్రదించాలో తెలియక మళ్లీ ఏరియా హాస్పిటల్ చుట్టూ తిరుగుతున్నారు.
ఆసుపత్రిలో కరోనా పరీక్ష ఇలా చేయించుకోవాలి
పరీక్షల నిమిత్తం వచ్చిన వారు ముందుగా రిజిస్ట్రేషన్ చేయించుకోవాలి. అనంతరం వారికి రెండు మూడు రోజుల్లో మెసేజ్ వస్తుంది. ఆ తర్వాతనే పరీక్షల కోసం రావాలి. గురువారం, శుక్రవారం రిజిస్ట్రేషన్ చేసుకున్న వారికి మంగళవారం పరీక్షలు చేశారు. రద్దీ పెరిగినందున మంగళవారం నుంచి రాపిడ్ పరీక్షలు చేస్తున్నారు. అయితే ఆసుపత్రి సిబ్బంది నుంచి ఎలాంటి సమాచారం ఉండటం లేదని వచ్చిన వారంతా ఆవేదనతో తిరిగి వెళ్తున్నారు.
మంగళవారం ఆసుపత్రిలో 69 మందికి రాపిడ్ పరీక్షలు నిర్వహించగా అందులో 10 మందికి పాజిటివ్గా తేలింది.
ఇదీ చూడండి:భర్త ఇంటి ఎదుట కొడుకుతో కలిసి భార్య నిరసన
