రాజధానిలో మరో పోలీస్ అధికారికి కరోనా

గ్రేటర్ హైదరాబాద్​లో కరోనా పాజిటివ్​ కేసులు పెరుగుతూనే ఉన్నాయి. మహమ్మారి కట్టడికి పోరాడుతున్న వైద్య, పోలీసు శాఖలకు చెందిన వారికి వైరస్​ సోకింది. పోలీస్​ ఇన్​స్పెక్టర్​కు, ఆస్పత్రిలోని వార్డు బాయ్​కు వైరస్​ సోకడం కలవర పెడుతోంది.

కరోనా కట్టడికోసం కృషి చేస్తున్న వారిపై కరోనా ప్రభావం చూపుతోంది. రాచకొండ కమిషనరేట్ పరిధిలోని బాలాపూర్ పోలీస్ స్టేషన్లో డిటెక్టివ్ ఇన్​స్పెక్టర్​కు కరోనా పాజిటివ్ వచ్చింది. ఆయన్ని గాంధీ ఆస్పత్రికి తరలించారు. ఠాణాలోని సిబ్బందికి వైద్య పరీక్షలు నిర్వహించి వారిని క్వారంటైన్​లో ఉంచారు. వలస కార్మికుల తరలింపులో పాల్గొనడం వల్ల ఇన్​స్పెక్టర్​కు వైరస్​ సోకినట్లు అధికారులు భావిస్తున్నారు.

గాంధీ ఆస్పత్రిలో పొరుగు సేవల కింద వార్డు బాయ్​గా పనిచేస్తున్న గౌలిపురాకు చెందిన యువకుడికి కరోనా సోకింది. ఆ యువకుడిని గాంధీలో చేర్పించి... అతనితో కలిసి పనిచేసిన వారిని క్వారంటైన్​లో ఉంచారు.

ఇదీ చూడండి :మృతదేహాలను పరిశీలించిన మంత్రి ఎర్రబెల్లి