కరోనా కలవరం.. ఏపీలో12 కొత్త కేసులు నమోదు

ఏపీలో కరోనా కేసుల సంఖ్య రోజు రోజుకూ పెరుగుతోంది. ఇవాళ మరో 12 కొత్త కేసులు నమోదయ్యాయి. మొత్తం కేసుల సంఖ్య 432కు చేరింది.

ఏపీలో ఇవాళ మరో 12 కరోనా పాజిటివ్ కేసులు నమోదైన్నట్టు వైద్యారోగ్యశాఖ బులెటిన్​లో తెలిపింది. వీటితో కలిపి రాష్ట్రంలో మెుత్తం కేసుల సంఖ్య 432కి చేరింది. గుంటూరు జిల్లాలో 8 పాజిటివ్ కేసులు నమోదుకాగా.. చిత్తూరు జిల్లా-2, పశ్చిమ గోదావరి-1, కృష్ణా జిల్లాలో మరో కేసు నమోదైంది. ఇప్పటి వరకు కరోనా నుంచి కోలుకుని 12 మంది డిశ్చార్జ్ అయ్యారు. ఆసుపత్రులో 413 మంది బాధితులు చికిత్స పొందుతున్నారు.

ఇదీ చూడండి :రూ. 1500కే కరోనా పరీక్ష.. రెండున్నర గంటల్లో ఫలితం