*ఓ వయోధికురాలు కొవిడ్‌ నిర్ధారణ పరీక్షల నిమిత్తం ఇక్కడకు రాగా.. ఆమెకు పాజిటివ్‌గా తేలింది. అప్పటికే ఆమె నీరసంతో ఆయాసపడుతూ.. నిల్చునే స్థితిలో కూడా లేదు. ‘మా అమ్మ చావుబతుకుల మధ్య ఉంది.. దయచేసి కాపాడండి’ అని కుటుంబసభ్యులు వైద్యుల ముందు వాపోయారు.
పడక కావాలంటే... ఎవరైనా మృతి చెందాలి లేదంటే డిశ్ఛార్జ్ అవ్వాలి - తెలంగాణ తాజా వార్తలు
కొవిడ్‌ మహమ్మారి ఎన్నో కుటుంబాలను ఛిన్నాభిన్నం చేసింది. ఇప్పటికీ అనారోగ్యంతో బాధపడుతూ.. ఎందరో ఆస్పత్రులకు పరుగులు తీస్తున్నారు.. ఆక్సిజన్‌ స్థాయి పడిపోతోంది.. ఆయాసం వస్తోందంటూ ప్రాణభయంతో చాలా మంది పేదలు కింగ్‌కోఠి జిల్లా ఆసుపత్రిని ఆశ్రయిస్తున్నారు. అక్కడ పడకలు దొరక్కపోవడంతో ఆసుపత్రి ప్రాంగణంలోనే ఎదురుచూస్తూ.. నిమిషానికోసారి వైద్యులు, వైద్య సిబ్బంది, అటెండర్లను సంప్రదిస్తూ.. పడకలపై ఆరా తీస్తున్నారు. కింగ్‌కోఠి ఆసుపత్రిలో మొత్తంగా ఉన్న 350 పడకలూ నిండిపోయాయి. ఎవరైనా డిశ్ఛార్జ్ అయితే, చనిపోతే గానీ.. మరొకరికి పడక దొరకని దుస్థితి నెలకొంది.
koti hospital
‘తామున్నదే వైద్యం చేయడానికి కదా.. పడకలుంటే చేర్చుకుంటాం.. కానీ, లేకుంటే మేము కూడా చేసేదేమీ లేదు’ అని తమ నిస్సహాయతను చాటారు. దాంతో కుటుంబసభ్యులు ఆమెను ఆసుపత్రి ప్రాంగణంలోని చెట్టు కింద పడుకోబెట్టి పడక కోసం ఆశతో ఎదురుచూస్తూ.. ఉండిపోయారు. గత కొద్ది రోజులుగా ఇక్కడ ఇలాంటి పరిస్థితులు కోఠి ఆస్పత్రి వద్ద చాలా కనిపిస్తున్నాయి. చాలా మంది పేదలు కింగ్‌కోఠి జిల్లా ఆసుపత్రిని ఆశ్రయిస్తున్నారు. అక్కడ పడకలు దొరక్కపోవడంతో ఆసుపత్రి ప్రాంగణంలోనే ఎదురుచూస్తూ.. నిమిషానికోసారి వైద్యులు, వైద్య సిబ్బంది, అటెండర్లను సంప్రదిస్తూ.. పడకలపై ఆరా తీస్తున్నారు. కింగ్‌కోఠి ఆసుపత్రిలో మొత్తంగా ఉన్న 350 పడకలూ నిండిపోయాయి.
ఇదీ చూడండి:ప్రభుత్వాస్పత్రుల్లో ఓపీ సేవలు ప్రారంభించాలని సీఎస్‌ ఆదేశం