హోం క్వారంటైన్​లో ఉన్నవారికి కరోనా కిట్లు

కరోనా బారిన పడి హోం క్వారంటైన్​లో చికిత్స పొందుతున్న బాధితులకు కరోనా కిట్లు పంపిణీ చేయాలని తెలంగాణ ప్రభుత్వం నిర్ణయం తీసుకుంది. ప్రస్తుతం రాష్ట్రంలో దాదాపు 10 వేల మంది హోం క్వారంటైన్‌లో చికిత్స పొందుతున్నారు.

రాష్ట్రంలో కరోనా వైరస్‌ బారిన పడి హోం క్వారంటైన్‌లో చికిత్స పొందుతున్న బాధితులకు ప్రభుత్వం కరోనా కిట్లు పంపిణీ చేస్తోంది. రోజురోజుకి కేసులు పెరుగుతున్న తరుణంలో... ప్రభుత్వం ఈ నిర్ణయం తీసుకుంది.

ప్రస్తుతం రాష్ట్రంలో దాదాపు 10 వేల మంది హోం క్వారంటైన్‌లో చికిత్స పొందుతున్నారు. వీరిలో మెుదట ఎలాంటి లక్షణాలు లేకపోయినా... రెండు రోజుల అనంతరం జ్వరం, దగ్గు, గొంతునొప్పితో బాధపడుతున్న వారు ఉన్నారు. ఈ క్రమంలో వారికి ఉచితంగా కిట్లు అందజేస్తోంది.

ఇందులో 17 రోజులకు సరిపడా మందులతో పాటు మాస్కులు, శానిటైజర్లు, కరోనాపై అవగాహన కల్పించే ఓ పుస్తకం ఉంటాయి.

ఇవీ చూడండి:ప్రతి ఎకరాకూ సాగునీరు అందిస్తాం: సమీక్షలో సీఎం కేసీఆర్