'తండాలను పంచాయతీలుగా మార్చడం అభినందనీయం'
పేద ప్రజల కోసం ప్రభుత్వం డబుల్ బెడ్ రూమ్ ఇళ్లు నిర్మించి ఇవ్వడం గొప్ప విషయమని జాతీయ ఎస్టీ కమిషన్‌ ఛైర్మెన్‌ నందకుమార్‌ సాయి ప్రశంసించారు. రాష్ట్ర పర్యటన నిమిత్తం తెలంగాణకు వచ్చిన ఆయన నేడు హైదరాబాద్లోని తాజ్‌ దక్కన్‌లో పలు శాఖల అధికారులతో సమీక్షా సమావేశం నిర్వహించారు. రాష్ట్రంలోని ఎస్టీల జీవన స్థితిగతుల గురించి అధికారులను అడిగి తెలుసుకున్నారు. తెలంగాణ ప్రభుత్వం తండాలను గ్రామ పంచాయతీలుగా మార్చడం అభినందనీయమని కొనియాడారు. సమావేశంలో ప్రభుత్వ ప్రధాన కార్యదర్శి ఎస్కే.జోషి, డీజీపీ మహేందర్‌ రెడ్డితోపాటు పలువురు అధికారులు పాల్గొన్నారు.