'కేసీఆర్ ఇచ్చిన మాట నిలబెట్టుకున్నారు'

దేశంలో ఏ రాష్ట్రంలో అమలు చేయని విధంగా కాంట్రాక్టు, ఔట్ సోర్సింగ్ ఉద్యోగులకు పీఆర్సీ ద్వారా వేతనాలు అందించడం.. చారిత్రాత్మకమైన నిర్ణయమని ఆర్జేడీ కాంట్రాక్ట్ అధ్యాపకుల సంఘం అధ్యక్షులు గాదె వెంకన్న పేర్కొన్నారు. ఈ నేపథ్యంలో సీఎం కేసీఆర్(CM KCR)​ ఇచ్చిన మాట ప్రకారం వేతనాలు వచ్చాయని సంతోషం వ్యక్తం చేశారు.

కాంట్రాక్ట్ అధ్యాపకుల మినిమం టైం స్కెల్ హర్షణీయమని.... ఆర్జేడీ కాంట్రాక్ట్ అధ్యాపకుల సంఘం అధ్యక్షులు గాదె వెంకన్న అన్నారు. ప్రభుత్వ ఉద్యోగులతోపాటు కాంట్రాక్టు, ఔట్ సోర్సింగ్ ఉద్యోగులకు పీఆర్సీ ప్రకారం వేతనాలు చెల్లిస్తామని... సీఎం కేసీఆర్(CM KCR)​ ఇచ్చిన మాట నిలబెట్టుకున్నారని తెలిపారు.

రాష్ట్రంలోని ప్రభుత్వ జూనియర్, డిగ్రీ పాలిటెక్నిక్ కళాశాల కాంట్రాక్ట్ అధ్యాపకులకు మినిమం పే స్కేల్ కల్పిస్తూ.. ఆర్థిక శాఖ నుంచి ఉత్తర్వులివ్వడం, కాంట్రాక్టు అధ్యాపకుల పట్ల సీఎం కేసీఆర్​కు ఉన్న చిత్తశుద్ధికి నిదర్శమన్నారు. ఈ నిర్ణయంతో రాష్ట్రంలోని ఐదు వేల పైచిలుకు కాంట్రాక్టు అధ్యాపకులు సంతోషంగా ఉన్నారని తెలిపారు.

మాటలతోనే కాకుండా చేతులతో తెలంగాణ తొలి పీఆర్సీ ద్వారా వేతనాలు అందుకోవడం గర్వంగా ఉందన్నారు. ఈ ఉత్తర్వులు జారీ చేసేలా తోడ్పాటు అందించిన మంత్రులు హరీశ్ రావు, సబితా ఇంద్రారెడ్డి, ఎమ్మెల్సీ పల్లా రాజేశ్వర్ రెడ్డిలకు ఈ సందర్భంగా ఆయన ప్రత్యేక ధన్యవాదాలు తెలియజేశారు.

ఇదీ చూడండి:Fake seeds: నకిలీ విత్తనాలపై కొరడా.. వేల క్వింటాళ్లు స్వాధీనం