జీవో 46 రద్దు చేయండి - ధర్నాచౌక్​ వద్ద కానిస్టేబుల్ అభ్యర్థుల ఆందోళన

Constable Candidates Protest To cancel GO Number 46 : తక్షణమే జీవో నంబరు 46 రద్దు చేయాలంటూ కానిస్టేబుల్ అభ్యర్థులు ఇందిరాపార్క్ ధర్నా చౌక్ వద్ద ఆందోళన చేపట్టారు. గత ప్రభుత్వం చేసిన తప్పిదాన్ని, నూతనంగా ఏర్పాటైన ప్రభుత్వం పరిష్కారం చేయాలంటూ అభ్యర్థులు నిరసన తెలిపారు. ఈ విషయంపై ముఖ్యమంత్రి రేవంత్​ రెడ్డి స్పందించి జీవోను రద్దు చేయాలని కోరారు.

Constable Candidates Protest To cancel GO Number 46 : బీఆర్ఎస్ ప్రభుత్వం (BRS) చేసిన తప్పిదాన్ని కాంగ్రెస్ (Congress) సర్కార్ తక్షణమే పరిష్కరించి తమకు న్యాయం చేయాలని కానిస్టేబుల్ అభ్యర్థులు ఆందోళనకు దిగారు. జీవో నెంబర్ 46 వల్ల నష్టపోయిన కానిస్టేబుల్ అభ్యర్థులు హైదరాబాద్ దోమలగూడలోని ఇందిరాపార్క్ ధర్నా చౌక్​ వద్ద కానిస్టేబుల్ (Constable Candidates) విద్యార్థుల పోరాట సమితి ఆధ్వర్యంలో నిరసన దీక్ష చేశారు.

జీవో నెంబర్ 46 విషయంపై రాష్ట్ర మాజీ హోంమంత్రికే అవగాహన లేకుండా బోర్డు చైర్మన్ శ్రీనివాసరావు చేసిన తప్పిదం వల్ల అనేకమంది విద్యార్థులు తీవ్రంగా నష్టపోయారని పలువురు అభ్యర్థులు తీవ్ర ఆవేదన వ్యక్తం చేశారు. రాష్ట్ర ప్రభుత్వం తక్షణమే జీవో నెంబర్ 46 రద్దుచేసి కానిస్టేబుల్ అభ్యర్థులకు న్యాయం చేయాలని అభ్యర్థులు విన్నవించారు.

Constable Candidates Protest at dharna Chowk : హైదరాబాద్​లో ఉంటున్నవారికి తక్కువ మార్కులు వచ్చినా వారికి ఉద్యోగాలు వస్తున్నాయని, గ్రామాల్లో ఉంటున్న అభ్యర్థులకు ఎక్కువ మార్కులు వచ్చినా ఉద్యోగం రావడం లేదని అభ్యర్థులు వాపోయారు. గ్రామాల్లో పుట్టడమే పాపమా అంటూ ప్రశ్నించారు. హైదరాబాద్​లో ప్రజలు మాత్రమే ఓట్లు వేశారా, గ్రామీణ ప్రాంతాల ప్రజలు బీఆర్ఎస్ పార్టీకి ఓటు వేయలేదా అని నిలదీశారు. ఇప్పటికైనా ఈ ప్రభుత్వం కానిస్టేబుల్ అభ్యర్థులకు న్యాయం చేయాలని అభ్యర్థులు కోరారు.

"జీవో 46ను రద్దు చేసి కానిస్టేబుల్ అభ్యర్థులకు న్యాయం చేయాలని డిమాండ్ చేస్తున్నాం. గత ఆరు నెలలుగా ఈ జీవోను రద్దు చేయాలని కోరుతున్న పట్టించుకోవడం లేదు సీఎం రేవంత్​ వెంటనే స్పందించి రద్దు చేయాలని కోరుతున్నాం. దీని వల్ల చాలామంది అభ్యర్థులు నష్టం పోతున్నారు. ఎక్కువ మార్కులు వచ్చినా ఉద్యోగం రావడం లేదు అభ్యర్థులను చర్చలకు పిలిచైనా న్యాయం చేయాలి." - కానిస్టేబుల్ అభ్యర్థులు

రాష్ట్రంలోని మూడు జిల్లాలకు వారికి 53శాతం ఇచ్చి మిగతా జిల్లాలకు 47శాతం రిజర్వేషన్ ఇవ్వడం గ్రామీణ ప్రాంతాల ప్రతిభావంతులైన విద్యార్థులకు అన్యాయం జరుగుతుందని అభ్యర్థులు ఆవేదన వ్యక్తం చేశారు. సిడి1, సిడి 2 ప్రకారం ఫలితాలు ప్రకటించాలని డిమాండ్ చేశారు. ఆరు నెలలుగా జీవో నెంబర్ 46 రద్దు చేయాలని కోరుతూ ఆందోళన చేస్తున్న ప్రభుత్వం పట్టించుకోలేదని ఆరోపించారు. ఇకనైనా రాష్ట్ర ముఖ్యమంత్రి రేవంత్ రెడ్డి తక్షణమే స్పందించి 46 జీవోను రద్దు చేయాలని కోరారు.

జీవో నెంబర్ 46ను గత ప్రభుత్వానికి తెలియనివ్వకుండా దాచిపెట్టిన బోర్డు చైర్మన్ శ్రీనివాసరావుపై 420 చీటింగ్ కేసు పెట్టాలని కానిస్టేబుల్ అభ్యర్థులు డిమాండ్ చేశారు. తక్షణమే రాష్ట్ర ప్రభుత్వం తమ సమస్యను పరిష్కరించాలని, తెలంగాణ గ్రామాల్లో ఉన్న యువకులు స్థానికేతరులుగా జీవో నంబర్ 46 వల్ల సమస్య ఎదుర్కొంటున్నారని, ప్రభుత్వం వెంటనే స్పందించి పరిష్కరించారని కోరారు. ప్రభుత్వం సానుకూలంగా స్పందించని పక్షంలో ఆందోళన మరింత ఉధృతం చేస్తామని తెలిపారు.