పంజాగుట్టలో అంబేడ్కర్ విగ్రహం పునఃప్రతిష్ఠించాలి: వి.హనుమంతరావు

Congress leader V Hanumantrao: గతంలో తొలగించిన అంబేడ్కర్ విగ్రహాన్ని పంజాగుట్ట చౌరస్తాలో తిరిగి ఏర్పాటు చేయాలని కాంగ్రెస్​ నేత వి.హనుమంతరావు ప్రభుత్వాన్ని డిమాండ్​ చేశారు. ఏప్రిల్​ 14వ తేదీ లోగా అక్కడ విగ్రహం పునఃప్రతిష్ఠించాలని అన్నారు. ఇదే విషయంపై గన్​పార్క్​ వద్ద చేపట్టిన మౌనదీక్ష విరమణ అనంతరం ఆయన ఈ వ్యాఖ్యలు చేశారు.

Congress leader V Hanumantrao: పంజాగుట్ట చౌరస్తాలో తిరిగి అంబేడ్కర్ విగ్రహాన్ని ఏర్పాటు చేయాలని ఈ విషయంపై అసెంబ్లీలో ప్రతిపక్ష పార్టీలు చర్చించాలని కాంగ్రెస్​ నేత వి.హనుమంతరావు కోరారు. ఇదే అంశంపై గన్​పార్క్​ వద్ద చేపట్టిన మౌనదీక్ష విరమణ అనంతరం విహెచ్ ఈ వ్యాఖ్యలు చేశారు.

నాలుగేళ్ల క్రితం అక్కడ ఉన్న విగ్రహాన్ని గోషామహల్ పోలీస్​స్టేషన్ తీసుకెళ్లారు. ఈ విషయంపై అప్పటి నుంచి పోరాడుతున్నా ఎవరూ పట్టించుకోవడం లేదని ఆయన​ తెలిపారు.

ఏప్రిల్ 14 వ తేదీ లోగా అక్కడ విగ్రహాన్ని ఏర్పాటు చేయాలని.. లేకపోతే గ్రామగ్రామాన తిరిగి ఆయనకు జరిగిన అవమానాన్ని ప్రజల్లోకి తీసుకెళ్తానని పేర్కొన్నారు. అంబేడ్కర్ రాసిన రాజ్యాంగం వల్లే తెలంగాణ సాకారమైంది. దీన్ని దృష్టిలో ఉంచుకొని అయినా ప్రభుత్వం ఆయన విగ్రహాన్ని పునఃప్రతిష్ఠించాలని వీహెచ్ డిమాండ్ చేశారు.

ఇదీ చదవండి:Telangana BJP MLAs: 'అసెంబ్లీలో గొంతెత్తితే మైకులు కట్ చేస్తారు'