ఒకే దేశం- ఒకే భాషకు మేం ఒప్పుకోం: మర్రి శశిధర్ ​రెడ్డి

హిందీ భాషపై కేంద్ర హోం మంత్రి అమిత్​షా చేసిన వ్యాఖ్యలను కాంగ్రెస్​ సీనియర్​ నేత శశిధర్​ రెడ్డి ఖండించారు. హిందీని దేశం మొత్తం మీద రుద్దాలనుకోవడం సమంజసం కాదన్నారు.

భాజపాకు సంఖ్యా బలం ఉందని కేంద్ర హోంమంత్రి అమిత్​షా ఇష్టానుసారం మాట్లాడుతున్నారని కాంగ్రెస్​ సీనియర్​ నేత మర్రి శశిధర్ ​రెడ్డి మండిపడ్డారు. హిందీ భాషపై అమిత్​షా చేసిన వ్యాఖ్యలను ఖండిస్తున్నట్లు తెలిపారు. దీనిపై అమిత్​షాకు బహిరంగ లేఖ రాసినట్లు చెప్పారు. ఇలాంటి వ్యాఖ్యలు ఉత్తర, దక్షిణ రాష్ట్రాల మధ్య అంతరాలను పెంచుతాయన్నారు. ఇప్పటికే కేరళ, కర్ణాటక, తమిళనాడు రాష్ట్రాల ప్రజలు ఆందోళన చెందుతున్నారని పేర్కొన్నారు. ఒకే దేశం-ఒకే ఎన్నిక, ఒకే దేశం- ఒకే పన్ను అంగీకరించామని, కానీ ఒకే దేశం- ఒకే భాష సాధ్యం కాదన్నారు. దీనిపై ప్రజలు తిరుగుబాటు చేసే పరిస్థితి వస్తుందన్నారు.

ఇవీ చూడండి: 'దేశాన్ని ఐక్యం చేసే శక్తి 'హిందీ' సొంతం'