Congress Implemented Two Guarantees And Kept Our Word : ఎన్నికల్లో ప్రజలకు ఇచ్చిన మాట నిలబెట్టుకుంటూ రెండు గ్యారంటీలకు శ్రీకారం చుట్టామని ఇదే ఒరవడిలో మిగతా వాటిని అమలుచేస్తామని మంత్రి పొన్నం ప్రభాకర్(Ponnam Prabhakar) అన్నారు. అందరికంటే ప్రాధాన్యత కల్గిన మహిళలకు ఆర్టీసీ బస్సులో ఉచిత ప్రయాణం హామీని అమలు చేశాం. 24 గంటలు ప్రజలకు అందుబాటులో ఉండి ప్రజా సమస్యలను ప్రజాదర్బార్(Praja Darbar) ద్వారా తెలుసుకుంటామని తెలిపారు. కేసీఆర్ పాలనలో సమస్యలు చెప్పుకునే పరిస్థితి లేకుండా పోయిందన్న మంత్రి, ఆ పరిస్థితిని ప్రజాదర్బార్‌తో పూర్తిగా మార్చేశామని స్పష్టం చేశారు.
రెండో రోజు అదే ఉత్సాహం - ప్రజాదర్బార్కు విశేష స్పందన
Ponnam Said PrajaDarbar Program Extended Districts :ప్రజా దర్బార్ కార్యక్రమాన్ని జిల్లాలకు విస్తరిస్తామని పొన్నం ప్రభాకర్ ప్రకటించారు. ప్రజా సమస్కలను పరిష్కరించడం కోసం మరింత ప్రాధాన్యం ఇస్తామన్నారు. మాజీ మంత్రులు అప్పుడే కాంగ్రెస్ ప్రభుత్వాన్ని ప్రశ్నించడం విడ్డూరంగా ఉందన్నారు. గత తొమ్మిదిన్నర సంవత్సరాలలో రాష్ట్ర ఆర్థిక పరిస్థితులపై శాఖలవారీగా శ్వేతపత్రం విడుదల చేస్తామని పొన్నం తెలిపారు. శ్వేతపత్రం ద్వారా రాష్ట్ర ఆర్థిక పరిస్థితిని ప్రజలకు వివరిస్తామని.. ప్రజలకిచ్చిన హామీలను వెనక్కి తగ్గకుండా పరిష్కరిస్తామని ప్రకటించారు.
Ponnam Prabhakar Visits KCR At Yashoda Hospital : పొన్నం ప్రభాకర్ ఇవాళ మాజీ ముఖ్యమంత్రి కేసీఆర్ను పరామర్శించారు. బీఆర్ఎస్ అధినేత కేసీఆర్(Ex CM KCR) ఆసుపత్రిలో చేరిన విషయం తెలిసిందే. ఆయన ప్రస్తుతం హైదరాబాద్ యశోదా ఆసుపత్రిలో(Yashoda Hospital) చికిత్స పొందుతున్నారు. ఇవాళ యశోద ఆసుపత్రికి వెళ్లి కేసీఆర్ను రవాణా శాఖ మంత్రి పొన్నం ప్రభాకర్ పరామర్శించారు. కేటీఆర్, హరీశ్రావు, దుబ్బాక శాసన సభ్యుడు ప్రభాకర్ను కలిసి పరిస్థితిని అడిగి తెలుసుకున్నారు.