'ఇంటర్​ తప్పులకు కారణమైన అధికారులను తొలగించాలి'

ఇంటర్​ ఫలితాల వ్యవహారంలో తప్పులకు కారణమైన ఉన్నతాధికారులను వెంటనే సస్పెండ్​ చేయాలని కాంగ్రెస్​ మాజీ ఎమ్మెల్యే మల్​రెడ్డి రంగారెడ్డి ప్రభుత్వాన్ని డిమాండ్​ చేశారు. విద్యార్థుల కోసం పోరాటం చేస్తోన్న తమను గృహ నిర్బంధం చేయడం కేసీఆర్​ రాచరిక పాలనకు నిదర్శనమని విమర్శించారు.

రాష్ట్రంలో తెరాస రాచరిక పాలన సాగుతోందని కాంగ్రెస్​ మాజీ ఎమ్మెల్యే మల్​రెడ్డి రంగారెడ్డి విమర్శించారు. ఇంటర్​ ఫలితాల వెల్లడిలో ప్రభుత్వం పూర్తిగా విఫలమైందని హైదరాబాద్​లో అన్నారు. 10 లక్షల మంది విద్యార్థుల జీవితాలతో సర్కారు ఆడుకుంటోందని మండిపడ్డారు. గ్లోబరీనా సంస్థను రద్దు చేసి... తప్పులకు కారణమైన అధికారులను విధుల నుంచి తప్పించాలని డిమాండ్​ చేశారు. ఆత్మహత్యలకు పాల్పడ్డ విద్యార్థుల కుటుంబాలకు న్యాయం చేయాలని కోరారు.

ఇదీ చదవండి : లక్ష్మణ్ నిరాహార దీక్ష భగ్నం.. నిమ్స్​కు తరలింపు