ప్రభుత్వాస్పత్రి సూపరింటెండెంట్​ లైంగిక వేధింపులు

ఏపీలోని విజయవాడ ప్రభుత్వాస్పత్రి సూపరింటెండెంట్​ లైంగిక వేధింపులకు గురి చేశాడంటూ ఓ మహిళ.. దిశా పోలీసు స్టేషన్​ను ఆశ్రయించింది. ఈ మేరకు తగిన ఆధారాలను పోలీసులకు అప్పగించింది. దీనిపై కేసు నమోదు చేసిన పోలీసులు దర్యాప్తు చేస్తున్నారు.

ఆంధ్రప్రదేశ్​లోని విజయవాడ ప్రభుత్వాసుపత్రి సూపరింటెండెంట్‌పై లైంగిక వేధింపు ఆరోపణలు వచ్చాయి. సూపరింటెండెంట్ నాంచారయ్య​పై ఓ మహిళ.. దిశా పోలీసు స్టేషన్​లో ఫిర్యాదు చేసింది. డేటా ఎంట్రీ ఆపరేటర్​గా రెండు నెలల క్రితం ఉద్యోగంలో చేరానని.. అప్పటి నుంచి నాంచారయ్య తనను లైంగికంగా వేధిస్తున్నాడని ఫిర్యాదులో పేర్కొంది. తన కోరిక తీర్చలేదని ఉద్యోగం నుంచి తొలిగించినట్లు తెలిపింది.

సంబంధిత ఆధారాలను బాధితురాలు పోలీసులకు అప్పగించింది. దీనిపై పోలీసులు కేసు నమోదు చేసి దర్యాప్తు చేస్తున్నారు. కొద్ది రోజుల క్రితమే మహిళను అధికారులు ఉద్యోగం నుంచి తొలిగించారు. బాధితురాలి ఉద్యోగం పోవటం వల్ల ఆమె కుటుంబం కష్టాల్లో పడుతుందని మైనార్టీ సంఘం నేతలు ఆవేదన వ్యక్తం చేశారు. బాధితురాలికి న్యాయం చేయాలని కోరుతున్నారు.

ఇదీ చదవండిఃఇరుకు ఇళ్లలోనే ఐసోలేషన్.. బాధితుల్లో మస్తు పరేషాన్!