కుషాయిగూడ పోలీస్​స్టేషన్​లో నాగుపాము హల్చల్

కరుడగట్టిన నేరస్థులను సైతం గడగడ వణికించే పోలీసులను ఓ నాగుపాము కాసేపు భయపెట్టింది. దొంగలను పరుగెత్తించే ఆ రక్షకభటులు తమను తాము రక్షించుకునేందుకు పరుగుతీసేలా చేసింది. ఈ ఘటన కుషాయిగూడ ఠాణాలో చోటుచేసుకుంది.

మేడ్చల్ జిల్లా కుషాయిగూడ పోలీస్టేషన్​లో నాగుపాము హల్చల్​ చేసింది. ఠాణాలోకి దూరిన సర్పాన్ని చూసి పోలీసులంతా భయబ్రాంతులకు గురై పరుగులు తీశారు. వెంటనే ఫ్రెండ్స్ ఆఫ్ స్నేక్ సొసైటీకి సమాచారమిచ్చారు. పామును పట్టేందుకు వచ్చిన సంస్థ సభ్యుడు రాజు గంట సేపు శ్రమించాడు. ఎట్టకేలకు సర్పరాజాన్ని పట్టుకుని బంధించి తీసుకెళ్లటంతో పోలీస్​ సిబ్బంది ఊపిరి పీల్చుకున్నారు.

ఇవీ చూడండి: మబ్బు విడిచిన వరుణుడు... విస్తారంగా జల్లులు