హ్యాపీ న్యూ ఇయర్ తెలంగాణ - గవర్నర్, సీఎం శుభాకాంక్షలు

CM Revanth New Year Wishes 2024 : నూతన సంవత్సరంలో అడుగు పెట్టబోతున్న తెలంగాణ ప్రజలకు రాజకీయ ప్రముఖులు తమ విషెస్​ను తెలుపుతున్నారు. ప్రజలంతా వచ్చే ఏడాది సుఖఃశాంతులతో వర్ధిల్లాలని ఆకాంక్షిస్తున్నారు.

CM Revanth New Year Wishes 2024 :నూతన సంవత్సరం సందర్భంగా రాష్ట్ర ప్రజలు అందరు సంతోషంగా, ఆరోగ్యంగా, ఆనందంగా ఉండాలని గవర్నర్ తమిళిసై (Governor Tamilisai) ఆకాంక్షించారు. రాష్ట్ర ప్రజల అందరికి కొత్త సంవ‌త్సరం శుభాకాంక్షలు తెలిపారు. తెలంగాణ ప్రజలకు సీఎం రేవంత్‌రెడ్డి (CM Revanth Reddy)నూతన సంవత్సర శుభాకాంక్షలు తెలిపారు. అందరి సహకారంతో ప్రజాప్రభుత్వం ఏర్పాటు చేసుకున్నామని గుర్తు చేశారు.

నిర్బంధాలు, ఇనుప కంచెలు తొలగిపోయాయని, కాంగ్రెస్‌ ఇచ్చిన 6 గ్యారంటీల్లో ఇప్పటికే రెండు అమలు చేశామని సీఎం రేవంత్ రెడ్డి అన్నారు. కొత్త ఏడాదిలో మిగతా గ్యారంటీల అమలుకు సిద్ధంగా ఉన్నామని స్పష్టం చేశారు. 2024ను 'రైతు-మహిళ-యువత నామ సంవత్సరంగా సంకల్పం తీసుకున్నామని తెలిపారు. తెలంగాణలో ప్రతి గడపలో సౌభాగ్యం వెల్లివిరియాలని కోరుకుంటున్నాని సీఎం రేవంత్ వెల్లడించారు.

Bhatti New Year Wishes 2024 :రాష్ట్ర ఉపముఖ్యమంత్రి భట్టి విక్రమార్క (Bhatti Vikramarka) తెలంగాణ ప్రజలకు న్యూ ఇయర్ శుభాకాంక్షలు చెప్పారు. 2024లో ప్రతి ఇంటా ఆనందాలు, ప్రతి కుటుంబంలో అభివృద్ధి కాంతులు వెల్లి విరియాలని భట్టి ఆకాంక్షించారు. అన్ని సామాజిక వర్గాలు సుస్థిరమైన అభివృద్ధి పథంలో ప్రయాణించేలా కాంగ్రెస్ ఇందిరమ్మ పాలన ఉంటుంది హామీ ఇచ్చారు. రాష్ట్ర ప్రజలకు బీఆర్ఎస్ అధినేత కేసీఆర్ (KCR) నూతన సంవత్సర శుభాకాంక్షలు తెలిపారు.

తెలంగాణ ప్రజలకు మంత్రి జూపల్లి నూతన సంవత్సర శుభాకాంక్షలు తెలిపారు. ప్రజలందరూ సుఖఃసంతోషాలతో అష్టైశ్వర్యాలతో నిండు నూరేళ్లు సుఖంగా జీవించాలని, సంపద, సమృద్ధి కలగాలని ఆకాంక్షించారు. సీఎం రేవంత్ రెడ్డి నాయకత్వంలో ప్రజా సంక్షేమమే ధ్యేయంగా ముందుకు సాగుతామని ఓ ప్రకటనలో పేర్కొన్నారు.

DGP Ravi Gupta New Year Wishes 2024 : రాష్ట్ర ప్రజలకు డీజీపీ రవిగుప్త నూతన సంవత్సర శుభాకాంక్షలు తెలిపారు. 2024 నూతన సంవత్సరం ప్రతి ఒక్కరి జీవితాల్లో ఆనందం, ఆరోగ్యం, శ్రేయస్సు నింపాలని ఆయన ఆకాంక్షించారు. రాష్ట్ర ప్రజల శాంతి, భద్రత, సంక్షేమం కోసం నిబద్ధతతో కృషి చేయడమే తమ ప్రధాన కర్తవ్యమని స్పష్టం చేశారు. నూతన సంవత్సరంలోనూ ఈ నిబద్ధత మరింత పెంచి, రాష్ట్రాన్ని మరింత అభివృద్ధి దిశగా నడిపించడానికి పోలీస్ శాఖ కృషి చేస్తుందని వెల్లడించారు.