ఆర్థిక సంస్థలను తప్పుదోవ పట్టించి - రాష్ట్రాన్ని అప్పులకుప్పగా మార్చారు : సీఎం రేవంత్‌ రెడ్డి

CM Revanth Counter to Harish Rao on Kaleshwaram Project : కాళేశ్వరం ప్రాజెక్టు అప్పులపై శాసనసభలో వాడీవేడి చర్చ జరిగింది. రూ.80 వేల కోట్లతో కాళేశ్వరం కట్టామనడం పూర్తి అబద్దమని సీఎం రేవంత్‌ రెడ్డి పేర్కొన్నారు. గత ప్రభుత్వం పెట్టిన ఖర్చు, తెచ్చిన రుణాలు కలిపితే అసలు లెక్క తేలుతుందని సీఎం అన్నారు. అవాస్తవాలతో హరీశ్‌రావు సభను తప్పుదోవ పట్టిస్తున్నారని ముఖ్యమంత్రి ఆక్షేపించారు.

CM Revanth Counter to Harish Rao on Kaleshwaram Project : కాళేశ్వరం ప్రాజెక్టును రూ.80వేల కోట్లతో కట్టామనడం అబద్ధమని సీఎం రేవంత్ రెడ్డి పేర్కొన్నారు. కాళేశ్వరం కార్పొరేషన్‌(Kaleshwaram Corporation) రుణమే రూ.97,449 కోట్లు మంజూరైందని ఆయన తెలిపారు. శ్వేతపత్రంపై హరీశ్‌రావు మాట్లాడిన అనంతరం సీఎం తీవ్రంగా స్పందించారు. గత ప్రభుత్వం పెట్టిన ఖర్చు, తెచ్చిన రుణాలు కలిపితే అసలు లెక్క తేలుతుందని సీఎం అన్నారు.

CM Revanth Reddy on Kaleshwaram Project :కాళేశ్వరం నీటితో అభివృద్ధి చేస్తామని చెప్పి అప్పులు తెచ్చారని ముఖ్యమంత్రి ఆక్షేపించారు. కాళేశ్వరం నీటితో ఏటా రూ.5వేల కోట్లు సంపాదిస్తామని, అదేవిధంగా మిషన్‌ భగీరథతో(Mission Bhagiratha) రూ. 5,700 కోట్లు సంపాదిస్తామని చెప్పారన్నారు. ఇలా నీటి ద్వారా రాష్ట్ర ప్రభుత్వానికి ఆదాయం వస్తుందని చెప్పి బ్యాంకులను మభ్యపెట్టితప్పుడు నివేదికలు ఇచ్చారని రేవంత్ ఆరోపించారు.

తొమ్మిదిన్నర సంవత్సరాల బీఆర్ఎస్ పాలనలో కేసీఆర్ కుటుంబ సభ్యులు తప్ప, ఇంకెవరూ సాగు నీటిపారుదల శాఖ మంత్రులుగా పనిచేయలేదు. కాళేశ్వరం ప్రాజెక్ట్​పై జరిగిన అవినీతిని, ప్రజలకు తెలియకుండా కప్పిపెట్టటానికి కుటుంబ సభ్యులంతా సాయశక్తులా ప్రయత్నించారు. కాళేశ్వరం ప్రాజెక్టును రూ.80వేల కోట్లతో కట్టామనడం అబద్ధం. కాళేశ్వరం కార్పొరేషన్‌ నుంచి రూ.97,449 కోట్లు రుణం మంజూరైంది. కాగ్ నివేదిక ప్రకారం బడ్జెట్​లో రాని అప్పులను తీసుకొచ్చి ఆదాయంగా చూపించి మొత్తం బ్యాంకులను, ప్రభుత్వం వ్యవస్థలను తప్పుపట్టినట్లు పేర్కొంది.-రేవంత్ రెడ్డి, రాష్ట్ర ముఖ్యమంత్రి

CM Revanth Reddy Fires on BRS :బ్యాంకుల నుంచి అడ్డగోలుగా రుణాలు తీసుకొచ్చారని ఆయన ధ్వజమెత్తారు. ఆర్థిక సంస్థలను తప్పుదోవ పట్టించిన బీఆర్ఎస్ ప్రభుత్వం, అత్యధిక వడ్డీకి అడ్డగోలుగా రుణాలు తీసుకొచ్చిరాష్ట్రాన్ని అప్పుల కుప్పగా మార్చిందని కాగ్‌(CAG) నివేదికలో స్పష్టంగా తేల్చిందని ముఖ్యమంత్రి రేవంత్‌ రెడ్డి వివరించారు. అవాస్తవాలతో హరీశ్‌రావు సభను తప్పుదోవ పట్టిస్తున్నారని, సభను తప్పుదోవ పట్టించే వారిపై చర్యలు తీసుకోవాలని స్పీకర్​ను సీఎం కోరారు.

Revanth Reddy Release White Paper on Electrical Dept Soon :విద్యుత్‌, సాగునీటి రంగాలపైనా త్వరలోనే శ్వేతపత్రాలు విడుదల చేస్తామని సీఎం ప్రకటించారు. ప్రజలకు వాస్తవాలు వివరించడమే తమ లక్ష్యమని సీఎం రేవంత్‌రెడ్డి తెలిపారు. విపక్షాల(Opposition Party) నుంచి బలమైన సహకారం పొందడమే తమ విధానమని స్పష్టం చేశారు. అధికారం కోల్పోవడం కొందరికి బాధ కలిగించొచ్చని, అధికారం కోసం తండ్రిని పక్కకు పెట్టిన ఔరంగజేబు వంటి వారు ఉన్నారని దుయ్యబట్టారు. ప్రగతి భవన్‌ను ప్రజాభవన్‌గా మార్చామని, సచివాలయాన్ని ప్రజలకు అందుబాటులోకి తెచ్చామని ముఖ్యమంత్రి వ్యాఖ్యానించారు.