హైదరాబాద్ మహానగర పాలకసంస్థ-జీహెచ్ఎంసీ ఎన్నికలకు సన్నాహాలు మొదలయ్యాయి. ముఖ్యమంత్రి కేసీఆర్ గురువారం నగరంలో అందుబాటులో ఉండే మంత్రులతో ప్రత్యేకంగా భేటీ కానున్నారు. ఈ సమావేశంలో ఎన్నికల నిర్వహణకు సంబంధించిన అంశాలపై ప్రధానంగా చర్చించనున్నారు. సీఎం సమావేశం తర్వాత ఎన్నికలు ఎప్పుడు నిర్వహించాలనే అంశంపై పూర్తి స్పష్టత వచ్చే అవకాశముందని భావిస్తున్నారు. అటు త్వరలోనే కేబినెట్‌ భేటీ ఏర్పాటు చేసి జీహెచ్ఎంసీకి సంబంధించిన పలు కీలక నిర్ణయాలు తీసుకోనున్నారని అధికారవర్గాలు వెల్లడించాయి.
నేడు మంత్రులతో కేసీఆర్ భేటీ.. గ్రేటర్ ఎన్నికలపై చర్చ - మంత్రులతో సీఎం కేసీఆర్ సమావేశం వార్తలు హైదరాబాద్
గ్రేటర్ హైదరాబాద్‌లో ఎన్నికలకు రాష్ట్ర ప్రభుత్వం సన్నద్ధమవుతోంది. దుబ్బాక ఫలితం నేపథ్యంలో జీహెచ్ఎంసీ ఎన్నికలపై సర్వత్రా ఆసక్తి నెలకొంది. మేయర్‌ పీఠమే లక్ష్యంగా ప్రధాన పార్టీలు అస్త్రశస్త్రాలు సిద్ధం చేస్తున్నాయి. ఈ నేపథ్యంలో ఎన్నికల నిర్వహణపై ముఖ్యమంత్రి కేసీఆర్ గురువారం మంత్రులతో ప్రత్యేకంగా సమావేశం కానున్నారు. త్వరలో భేటీ అయ్యే మంత్రిమండలిలో కీలక నిర్ణయాలు తీసుకునే అవకాశముంది.
నేడు మంత్రులతో సీఎం కేసీఆర్ భేటీ.. జీహెచ్ఎంసీ ఎన్నికలపై చర్చ
జీహెచ్ఎంసీ పాలకమండలికి వచ్చే ఫిబ్రవరి వరకు గడువు ఉండగా.. అంతకంటే ముందే ఎన్నికలు నిర్వహించాలని ఇప్పటికే ప్రభుత్వం నిర్ణయించింది. షెడ్యూల్‌పై గతంలో కొంత అస్పష్టత ఉండగా దుబ్బాక ఉప ఎన్నిక ఫలితంతో జీహెచ్ఎంసీలోనూ ఎన్నికల వాతావరణం ఒక్కసారిగా వేడెక్కింది. ప్రత్యర్థి పార్టీల కంటే ముందే ఎన్నికలకు పూర్తిస్థాయిలో సిద్ధం కావాలని సర్కారు భావిస్తోంది.
ఇదీ చదవండి:దుబ్బాకలో తెరాస పరాజయానికి కారణాలివే..!
Last Updated : Nov 12, 2020, 9:46 AM IST