నేటి నుంచే గులాబీ దళపతి​ మలిదశ ప్రచారం

గులాబీ దళపతి మలిదశ ప్రచారం నేటి నుంచి ప్రారంభం కానుంది. ఏప్రిల్ 4 వరకు 13 నియోజకవర్గాల్లో 11 బహిరంగ సభలు నిర్వహించనున్నారు. ఇవాళ మిర్యాలగూడ, హైదరాబాద్​లో కేసీఆర్ ప్రచారం చేయనున్నారు. ఎండ తీవ్రత కారణంగా రోజూ రెండు సభలు సాయంత్రం వేళల్లో జరిపేందుకు సన్నాహాలు చేస్తున్నారు.

పదహారు స్థానాల్లో విజయమే లక్ష్యంగా.. కేసీఆర్ నేటి నుంచి రాష్ట్రంలో సుడిగాలి ప్రచారానికి బయలు దేరనున్నారు.ఈరోజు నుంచి ఏప్రిల్ 4 వరకు లోక్​సభ నియోజకవర్గాల్లో బహిరంగసభల్లో పాల్గొనాలని నిర్ణయించారు. ఇవాళ సాయంత్రం 4 గంటలకు మిర్యాలగూడ సభలో కేసీఆర్ పాల్గొంటారు. ఐదున్నరకు హైదరాబాద్ ఎల్బీ స్టేడియంలో జరగనున్న సభలో ప్రసంగిస్తారు.

ప్రచారానికి సర్వం సిద్ధం

ఈరోజు మిర్యాలగూడ, హైదరాబాద్​లలో జరిగే సభకు అన్ని ఏర్పాట్లు పూర్తయ్యాయి. మిర్యాలగూడ సభ ఏర్పాట్లను మంత్రి జగదీశ్వర్​రెడ్డి పరిశీలించారు. సభకు హాజరయ్యే కార్యకర్తలకు ఎలాంటి ఇబ్బందులు కలగకుండా అన్ని ఏర్పాట్లు చేశామని తెలిపారు.

ఇవీ చూడండి:17 స్థానాలు.. 443 మంది అభ్యర్థులు