హైదరాబాద్‌లో మౌలిక వసతులు పెంచిన ఘనత కాంగ్రెస్‌దేనని సీఎల్పీ నేత భట్టి విక్రమార్క తెలిపారు. నగరానికి 3 దశల్లో కృష్ణా జలాలు తెచ్చిన ఘనత కూడా అప్పటి తమ ప్రభుత్వానిదే అని స్పష్టం చేశారు. ఎల్లంపల్లి నుంచి గోదావరి జలాలు తెచ్చినట్లు పేర్కొన్నారు. నగరంలో పెరుగుతున్న ప్రజలకు మౌలిక వసతులు కల్పించామన్నారు. శాసనసభలో హైదరాబాద్ అభివృద్ధిపై చర్చలో భట్టి మాట్లాడారు.
ప్రజలను భ్రమల్లో ఉంచి తెరాస ప్రభుత్వం పరిపాలన చేస్తోందని భట్టి విమర్శించారు. హైదరాబాద్‌కు బీహెచ్‌ఈఎల్‌, ఈసీఐఎల్‌ ఎవరు తెచ్చారని నిలదీశారు. కూకట్‌పల్లి, వనస్థలిపురంలో అనేక కాలనీలు ఏర్పాటు చేసినట్లు పేర్కొన్నారు.