తెరాస, భాజపా కలిసి తెలంగాణ యువతను మోసం చేశాయి: భట్టి విక్రమార్క
కేంద్ర, రాష్ట్ర ప్రభుత్వాలు ప్రజలను మోసం చేస్తున్నాయని సీఎల్పీ నేత భట్టి విక్రమార్క ఆరోపించారు. ఐటీఐఆర్‌ వల్ల లక్షల మందికి ఉపాధి కల్పించే అవకాశం ఉన్నా.... గాలికి వదిలేశాయని విమర్శించారు. కొట్లాడి తెచ్చుకున్న రాష్ట్రంలో నిరుద్యోగులకు ఉపాధి కల్పించడంలో తెరాస ప్రభుత్వం విఫలమైందని ధ్వజమెత్తారు. రెండు ప్రభుత్వాలూ యువతను మోసం చేశాయని విమర్శించారు. యూపీఏ మంజూరు చేసిన ప్రాజెక్టులను భాజపా విస్మరించిందని హైదరాబాద్‌లో నిర్వహించిన మీడియా సమావేశంలో ఆరోపించారు.