హైదరాబాద్ కూకట్‌పల్లిలో న్యాయస్థాన భవన, నివాస గృహ సముదాయాల నిర్మాణానికి హైకోర్టు ప్రధాన న్యాయమూర్తి, చీఫ్‌ జస్టిస్ హిమా కోహ్లి శంకుస్థాపన చేశారు. కూకట్‌పల్లి కోర్టు సొంత భవన నిర్మాణం కోసం శంకుస్థాపన చేయటం సంతోషంగా ఉందన్నారు.
రాష్ట్రంలో అద్దె భవనాలలో కొనసాగుతున్న న్యాయస్థానాలను సొంత భవనాలలోకి మార్చేందుకు ప్రాధాన్యత ఇవ్వనున్నామని సీజే తెలిపారు. అద్దె భవనాలలో కోర్టు వచ్చే కక్షిదారులకు, న్యాయవాదులకు సరైన వసతులు కల్పించటం అన్ని చోట్ల వీలు పడటం లేదన్నారు.